အာရက္ခတိုင်းမ်စ် (၆ သြဂုတ် ၂၀၂၅)
စစ်ကောင်စီကနေပြီးတော့ တရုတ်အားကိုးနဲ့ အာရက္ခတပ်တော် ထိန်းချုပ်ထားတဲ့ နယ်မြေတွေကို ပြန်လည်ထိုးစစ်ဆင်နိုင်တယ်လို့ TNLA က ပြောပါတယ်။
လက်ရှိမှာ တရုတ်အစိုးရအနေနဲ့ တအာင်းတပ်(TNLA) ကို ဖိအားတွေ ဆက်တိုက်ပေးနေပြီး TNLA သိမ်းပိုက်ထားတဲ့ နောင်ချို မြို့ကိုလည်း ပြန်လည် သိမ်းပိုက်ထားပါတယ်။ ရှေ့လျှောက်မှာလည်း အာဏာသိမ်းစစ်တပ်ဟာ အာရက္ခတပ်မတော် AA ကိုလည်း ပြန်လည်ထိုးစစ်ဆင်တာတွေ လုပ်လာနိုင်တယ်လို့ TNLA ပြောခွင့်ရ လွေးယေဦးက ပြောပါတယ်။
စစ်ကောင်စီဟာ တရုတ်အားကိုးနဲ့ MNDAA သိမ်းပိုက်ထားတဲ့ လားရှိုးမြို့ကို ပြန်လည်ရယူနိုင်ခဲ့ပြီး အခုအခါမှာလည်း TNLA သိမ်းပိုက်ထားတဲ့ နောင်ချိုမြို့ကို ပြန်လည်သိမ်းပိုက်လိုက်တာလည်း ဖြစ်ပါတယ်။
ရက္ခိုင်ပြည်က အာရက္ခတပ်တော် ထိန်းချုပ်ထားတဲ့ လွတ်မြောက်နယ်မြေဖြစ်တဲ့ ရမ်းဗြဲ၊ ပေါက်တော၊ ပုဏ္ဏားကျွန်း၊ ရသေ့တောင်၊ ဂွ၊ မောင်တော၊ ဘူးသီးတောင်၊ ကျောက်တော်၊ မင်းပြား၊ မြေပုံ၊ မြောက်ဦး၊ သံတွဲ၊ အမ်း နဲ့ တောင်ကုတ်မြို့နယ်တို့ကို စစ်ကောင်စီက ဇူလိုင်လကုန်မှာ အရေးပေါ်အခြေအနေ ကြေညာခဲ့ပါတယ်။
စစ်ကောင်စီက အရေးပေါ်ကြေညာပြီးနောက်မှာ ရက္ခိုင်ပြည်က လွတ်မြောက်နယ်မြေတွေကို လေယာဉ်ကနေ ဗုံးလာရောက် ကြဲတာတွေကို နေ့စဥ်ဆိုသလို လာရောက် လုပ်ဆောင်နေတယ်လို့ ရက္ခိုင်ဒေသခံတွေက ပြောပါတယ်။
1 comment