ရက္ခိုင်ပါတီများ ခိုင်လုံမဲ ၁ ရာခိုင်နှုန်းအောက်သာ ရရှိ

အာရက္ခတိုင်းမ်စ် (၁၁ ဖေဖော်ဝါရီ ၂၀၂၆)

စစ်ကော်မရှင်က ကျင်းပပြုလုပ်တဲ့ ရွေးကောက်ပွဲကို ဝင်ရောက်ယှဉ်ပြိုင်တဲ့ ရက္ခိုင်ပါတီတွေဟာ ခိုင်လုံမဲ ၁ ရာခိုင်နှုန်းအောက်သာ ရရှိခဲ့တယ်လို့ သိရပါတယ်။

ဒေါက်တာအေးမောင် ဦးဆောင်တဲ့ ရခိုင့်ဦးဆောင်ပါတီ (AFP ) က မဲဆန္ဒနယ် ၁၃ နေရာမှာ ကိုယ်စားလှယ်လောင်း ၃၂ ဦး နဲ့ ဝင်ရောက်ယှဉ်ပြိုင်ခဲ့တာ ဖြစ်ပါတယ်။ ခိုင်လုံမဲ ရရှိမှု စုစုပေါင်း ၂၂၅၆၇ ၊ ခိုင်လုံမဲ ရရှိမှု ရာခိုင်နှုန်း ၀ ဒသမ ၁၇ %  နဲ့ အနိုင်ရကိုယ်စားလှယ် ၈ ဦး ရှိခဲ့ပါတယ်။

ဒါ့အပြင် ဦးဘရှိန် ဦးဆောင်တဲ့ ရခိုင်တိုင်းရင်းသားများပါတီ (RNP) က မဲဆန္ဒနယ် ၁၄ နေရာမှာ ကိုယ်စားလှယ်လောင်း ၂၅  ဦး နဲ့ ဝင်ရောက်ယှဉ်ပြိုင်ခဲ့တာ ဖြစ်ပါတယ်။ ခိုင်လုံမဲ ရရှိမှု စုစုပေါင်း ၁၈၉၀၁၊  ခိုင်လုံမဲ ရရှိမှု ရာခိုင်နှုန်း ၀ ဒသမ ၁၄ %  နဲ့ အနိုင်ရကိုယ်စားလှယ် ၆ ဦး ရှိခဲ့ပါတယ်။

ရခိုင်ပြည်နယ်အမျိုးသားအင်အားစုပါတီကတော့ မဲဆန္ဒနယ် ၁ နေရာမှာ ကိုယ်စားလှယ်လောင်း ၁  ဦး နဲ့ ဝင်ရောက်ယှဉ်ပြိုင်ခဲ့တာ ဖြစ်ပါတယ်။ ခိုင်လုံမဲ ရရှိမှု စုစုပေါင်း ၁၂၆၈၊  ခိုင်လုံမဲရရှိမှုရာခိုင်နှုန်း ၀ ဒသမ ၀၁ %  သာ ရရှိခဲ့ပြီး အနိုင်ရ ကိုယ်စားလှယ် မရှိခဲ့ဘူးလို့ UEC က ထုတ်ပြန်ထားပါတယ်။

နိုင်ငံရေးပါတီအလိုက် ခိုင်လုံမဲရရှိမှု ရာခိုင်နှုန်းများ‌ကို ပြည်ထောင်စုရွေးကောက်ပွဲကော်မရှင် (UEC) က ဖေဖော်ဝါရီလ ၉ ရက် ရက်စွဲနဲ့ ထုတ်ပြန်ခဲ့တာလည်း ဖြစ်ပါတယ်။