အာရက္ခတိုင်းမ်စ် (၂၉ မတ် ၂၀၂၆)
ရက္ခိုင်ပြည် ကျောက်တော်မြို့နယ် ကျားနင်းကန်ကျေးရွာတွင် မတ်လ ၂၇ ရက်က အသက် ၉ နှစ်အရွယ် ကလေးငယ်တဦး ရေနစ်သေဆုံးသွားတယ်လို့ ဒေသခံတွေထံက သိရပါတယ်။
“၂၇ ရက် ညနေ ၃ နာရီကျော်လောက်ကတည်းက ပျောက်သွားလို့ လိုက်ရှာကြတယ်။ မနေ့က (မတ် ၂၈) ရွာတောင်ဖက်က ရေကန်ပျက်မှာ သေဆုံးနေတာကို တွေ့ရတယ်” လို့ ကျောက်တော်မြို့နယ်ဒေသခံတဦးက အာရက္ခတိုင်းမ်စ်ကို ပြောပါတယ်။
ရေနစ်သေဆုံးသွားသူမှာ ကျောက်တော်မြို့နယ် ကျားနင်းကန်ကျေးရွာနေ ဦးမင်းကျော်နိုင်ရဲ့ သားဖြစ်သူ အသက် ၉ နှစ်အရွယ် မောင်မျိုးမင်းဦး ဖြစ်တယ်လို့ သိရပါတယ်။
ရေနစ်သေဆုံးသွားတဲ့ ကလေးငယ်ရုပ်အလောင်းကို နယ်မြေဒီလပ်စခန်း လာရောက်စစ်ဆေးခဲ့ပြီး မှုခင်းဆေးစာများ ပေးပို့ရန် စီစဉ်ဆောင်ရွက်နေတယ်လို့လည်း သိရပါတယ်။
မတ်လ ၁၇ ရက်ကလည်း ကျောက်တော်မြို့နယ် အပေါက်ဝကျေးရွာ ၇ တန်း ကျောင်းသူ ၁ ဦး ရေနစ်သေဆုံးခဲ့သလို မတ်လ ၁၄ ရက်ကလည်း မြောက်ဦးမြို့နယ်တွင် အသက် ၁၃ နှစ်အရွယ်နဲ့ အသက် ၁၄ နှစ်အရွယ် အလယ်တန်း ကျောင်းသူနှစ်ဦး ရေနစ်သေဆုံးခဲ့ပါတယ်။
246 comments