ရက္ခိုင်မြောက်ပိုင်းအနေနဲ့ ရေကျရန်ခက်ခဲတဲ့ ရေရှည်ရေကြီးခြင်း ဖြစ်ပေါ်နိုင်

အာရက္ခတိုင်းမ်စ် (၁၁ ဇူလိုင် ၂၀၂၆)

ရက္ခိုင်ပြည် မြောက်ပိုင်းအနေနဲ့ ရေကြီးနေတဲ့ အခြေအနေဟာ ရေပြန်ကျရန် ခဲယဉ်းပြီး ရေရှည်ရေကြီးခြင်း ဖြစ်ပေါ်နိုင်တယ်လို့ သိရပါတယ်။

“ကျောက်တော်၊ မြောက်ဦး၊ ပလက်ဝနဲ့ မင်းပြားမြို့နယ်တစ်လျှောက်ရှိ မြစ်ကမ်းစပ် မြေနိမ့်ပိုင်း ကျေးရွာတွေဟာ အဓိက ရေဘေးသင့်နိုင်ခြေ အမြင့်ဆုံးဇုန်တွင် ရှိနေပါတယ်။ Station 2 ရဲ့ ပြချက်အရ ရေကြီးမှုဟာ လက်ရှိရက်များအတွင်း အရှိန်အဟုန် အမြင့်ဆုံးတွင် ရှိနေပြီး၊ Station 1 နဲ့ 3 ရဲ့ ပြချက်များအရ ရေစီးဆင်းမှု တိုးမြင့်လာဦးမှာဖြစ်ပြီး ဇူလိုင်လ တတိယပတ် (ဇူလိုင် ၂၃-၂၄) အထိ ရေပြန်ကျရန် ခဲယဉ်းပြီး ရေရှည်ရေကြီးခြင်း (Prolonged Flooding) ဖြစ်ပေါ်လာနိုင်ပါတယ်” လို့ မိုးလေဝသပညာရှင် ဦးဝင်းနိုင်က ဆိုပါတယ်။

အလားတူ ရက္ခိုင်ပြည် စစ်တွေမြစ်ဝနဲ့ နီးစပ်တဲ့ ဒေသများတွင် ပင်လယ်ဒီရေတက်ချိန်နဲ့ ကြုံဆုံပါက မြစ်ရေစီးဆင်းမှု ပိုမိုနှောင့်နှေးကာ ရေလျှံမှု ပိုမိုဆိုးရွားလာနိုင်လို့ ရေဘေးကာကွယ်ရေး အစီအမံများကို အမြန်ဆုံး ဖြန့်ကြက်ထားသင့်ကြောင်း GloFAS ဒေတာများအရ သုံးသပ် ရရှိပါတယ်လို့လည်း သိရပါတယ်။

လက်ရှိတွင် ရက္ခိုင်ပြည် မင်းပြား၊ ကျောက်တော်၊ မြောက်ဦးနဲ့ ပုဏ္ဏားကျွန်းမြို့နယ်တွေမှာ ရေဘေးဒဏ် အဆိုးရွားဆုံး ကြုံတွေ့နေရပြီး အရေးပေါ် အကူအညီတွေ လိုအပ်နေတယ်လို့လည်း သိရပါတယ်။

တိုင်ဖွန်းမုန်တိုင်း BAVI ကြောင့် မြန်မာနိုင်ငံတွင် တိုက်ရိုက် အန္တရာယ်မရှိသော်လည်း၊ ပုံမှန် မုတ်သုံလေ အခြေအနေအရ ကမ်းရိုးတန်းဒေသများနဲ့ တောင်ပေါ်ဒေသများတွင် မိုးကြီးခြင်း၊ မိုးထစ်ချုန်းခြင်းများ ရှိနေဦးမှာဖြစ်လို့ ရာသီဥတု သတင်းများနဲ့ မြစ်ရေ အခြေအနေ သတင်းများကို ဆက်လက် စောင့်ကြည့်ကြပါရန် အကြံပြုလိုပါတယ်လို့လည်း ဦးဝင်းနိုင်က သတိပေးထားပါတယ်။