အာရက္ခတိုင်းမ်စ် (၁၂ နိုဝ်ဘာ ၂၀၂၆)
M League II ၂၀၂၆-၂၇ အမှတ်ပေးဘောလုံးပြိုင်ပွဲ (Week-5) ပွဲစဉ်တစ်ပွဲကို ဒီကနေ့ညနေက ပဒုမ္မာကွင်းမှာ ကစားခဲ့ပြီး ရခိုင်ယူနိုက်တက် (Rakhine Utd) အသင်းက Enjoy Brother အသင်းကို ၇ ဂိုး – ၁ ဂိုးနဲ့ အနိုင်ရခဲ့ကြောင်း သိရပါတယ်။
ရခိုင်ယူနိုက်တက်အသင်းရဲ့ တိုက်စစ်ကစားသမား ကျောနံပါတ် ၂၉ ထွန်းနိုင်စိုးက ဒီပွဲစဉ်မှာ ဂိုး ၄ ဂိုး သွင်းယူခဲ့တယ်လို့ သိရပြီး ဂိုး ၄ ဂိုးသွင်းတာကို “စူပါဟတ်ထရစ်” လို့ ခေါ်တယ်လို့လည်း သိရပါတယ်။
ထွန်းနိုင်စိုးက AYA Pay Player Of The Match ဆု ရရှိခဲ့ပြီး ဆုတံဆိပ်နဲ့အတူ ဆုငွေ ကျပ် ၅ သိန်းကို ရခိုင်ယူနိုက်တက်အသင်း ဥက္ကဋ္ဌ ဦးကျော်လွင်က ချီးမြှင့်ခဲ့တယ်လို့လည်း သိရပါတယ်။
ဒီဆုချီးမြှင့်တဲ့ အစီအစဉ်ကို M League ရဲ့ Official Payment Partner AYA Pay က ပံ့ပိုးထားတယ်လို့ သိရပါတယ်။
