မြောက်ဦးဆေးရုံ ပြန်တည်ဆောက်ရေးအတွက် ရသေ့တောင်က သံဃာတော်များ ၄၄၅ သိန်း လှူဒါန်း

အာရက္ခတိုင်းမ်စ် (၂၆ မတ် ၂၀၂၆)

ရက္ခိုပြည် မြောက်ဦးမြို့ရှိ မြောက်ဦးဆေးရုံ ပြန်လည်တည်ဆောက်ရေးအတွက် ရသေ့တောင်မြို့နယ်လုံးဆိုင်ရာ သံဃာတော်များနဲ့ ဒကာ/ဒကာမများ စုပေါင်းပြီး အလှူငွေကျပ် ၄၄၅ သိန်း လှူဒါန်းခဲ့တယ်လို့ သိရပါတယ်။

အလှူငွေပေးအပ်ပွဲကို ဒီကနေ့ မတ်လ ၂၆ ရက်က ရသေ့တောင်မြို့နယ်လုံးဆိုင်ရာ သံဃာတော်များ၊ ဒေသဆိုင်ရာ အုပ်ချုပ်ရေးတာဝန်ရှိသူများ၊ မြောက်ဦးပြည်သူ့ဆေးရုံ ပြန်လည်တည်ဆောက်ရေးကော်မတီဝင်များ၊ လူမှုအသင်းအဖွဲ့များက တက်ရောက်ခဲ့ကြတယ်လို့ သိရပါတယ်။

အထက်ပါ လှူဒါန်းမှုအတွက် ဆေးရုံပြန်လည်တည်ဆောက်ရေးကော်မတီ တာဝန်ရှိသူများကလည်း လက်ရှိတွင် ဆေးရုံအဆောက်အဦး ပြန်လည်တည်ဆောက်ခြင်း၊ ဆေးပစ္စည်းများ ဖြည့်တင်းခြင်းနဲ့ လူနာဆောင်များ ပြုပြင်မွမ်းမံခြင်း လုပ်ငန်းများ ဆောင်ရွက်လျက်ရှိပြီး အလှူရှင်ပြည်သူများရဲ့ ထောက်ပံ့ကူညီမှုတွေကြောင့် လုပ်ငန်းများ ပိုမိုမြန်ဆန်စွာ ဆောင်ရွက်နိုင်မှာဖြစ်တယ်လို့ ပြောကြားခဲ့ကြောင်း သိရပါတယ်။

အလားတူ အဆိုပါ ဆေးရုံ ပြန်လည်တည်ဆောက်နိုင်ရေးအတွက် မောင်တော်ခရိုင်နေ မူဆလင်ပြည်သူများက စုပေါင်းအလှူငွေ သိန်း ၅၀၀ ကျပ်ကို ဖေဖော်ဝါရီလ ၈ ရက်က လှူဒါန်းပေးခဲ့ပါတယ်။

ထို့အတူ အရွယ်စုံ Arakanese Ladies က သိန်း ၁၅၀ မတည်ခဲ့ပြီး စုစုပေါင်း အလှူငွေ သိန်း ၁၃၀၀ ကျော်ကိုလည်း မြောက်ဦးဆေးရုံအတွက် လှူဒါန်းခဲ့တယ်လို့ သိရပါတယ်။

စာရေးဆရာ ဝေဟင်အောင်နဲ့အဖွဲ့က မြောက်ဦးဆေးရုံဖြစ်စဉ်အတွက် ဒီဇင်ဘာ ၂၄ ရက်မှာ ကျပ်သိန်း ၁၆၈၀ တန်ဖိုးရှိ အာထရာဆောင်းစက်များ လှူဒါန်းပေးခဲ့တယ်လို့လည်း သိရပါတယ်။

ရက္ခိုင်ပြည် မြောက်ဦးဆေးရုံကို စစ်ကော်မရှင်က ၂၀၂၅ ခုနှစ် ဒီဇင်ဘာလ ၁၀ ရက်က ဗုံးကြဲတိုက်ခိုက်ခဲ့တာကြောင့် ကလေးသူငယ်အပါအဝင် ပြည်သူ ၃၃ ဦး သေဆုံးခဲ့ပြီး ရ၆ ဦး ထိခိုက်ဒဏ်ရာ ရရှိခဲ့ပါတယ်။

ဓာတ်ပုံ-One Nation News