စစ်တွေတပ်အနေနဲ့ ထိုးစစ်အသွင်ရှိတဲ့ ခံစစ်ပုံစံ ပြောင်းလဲလာနိုင်တယ်လို့ ဗိုလ်ကြီးဇင်ယော်သုံးသပ်

by Rakhita Timesမေ 1, 2026မေ 1, 202619 169

အာရက္ခတိုင်းမ်စ် (၁ မေ ၂၀၂၆)

ရက္ခိုင်ပြည်ရဲ့ မြို့တော် စစ်ကော်မရှင်ထိန်းချုပ်ထားတဲ့ စစ်တွေမြို့က စစ်ကော်မရှင်တပ်တွေဟာ ထိုးစစ်အသွင်ရှိတဲ့ ခံစစ်ပုံစံ ပြောင်းလဲနိုင်ချေရှိတယ်လို့ CDM ဗိုလ်ကြီးဇင်ယော်က သုံးသပ်ထားပါတယ်။

“ စစ်တွေတပ်နယ်ဟာ ထိုးစစ်အသွင်ရှိတဲ့ ခံစစ်ပုံစံကို ပြောင်းလဲဖို့ ပြင်ဆင်လာနိုင်ချေ ရှိတယ်လို့ သုံးသပ်ရပါတယ်။ အာရက္ခတပ်ရဲ့ လိုလားချက်က ဒီလိုဘဲ ဖြစ်လာပါလိမ့်မယ်။ စစ်တွေတပ်နယ် အတွင်းကနေ ဖြန့်ထွက်လာမယ့် စစ်ကြောင်းငယ်တွေကို ထိုင်စောင့်ပြီး လက်စတုန်း ချေမှုန်းနေရာတာက အာရက္ခတပ် အတွက် အပျင်းပြေစရာ ကောင်းပါလိမ့်မယ်” လို့ ဗိုလ်ကြီးဇင်ယော်က ဆိုပါတယ်။

အဆိုပါကဲ့သို့ သုံးသပ်ရတာဟာ စစ်တွေမြို့နယ်နဲ့ ပုဏ္ဏားကျွန်း၊ ရသေ့တောင်မြို့နယ် ထိစပ်တဲ့နေရာတွေကို စစ်အင်အား ထပ်မံဖြည့်တင်းနေတာနဲ့ စစ်တိုင်မှူးအသစ်အတွက် လုပ်ကွက်ပြရမယ့် စိန်ခေါ်မှုကြောင့် ဖြစ်တယ်လို့လည်း ဆိုပါတယ်။

“ ပုဏ္ဏားကျွန်းနဲ့ ရသေ့တောင်မြို့နယ်တွေဟာ စစ်တွေမြို့နယ်နဲ့ ထိစပ်လျက် ရှိတဲ့နေရာတွေ ဖြစ်နေတာရယ် စစ်အင်အား ထပ်မံဖြည့်တင်းမှု အနည်းငယ် ပြုလုပ်ထားပြီး ဖြစ်နေတာရယ် စစ်တိုင်းမှူး အသစ်အတွက် အစမ်းခန့်ကာလ တစ်နှစ်အတွင်းမှာ လုပ်ကွက်ပြရမယ့် စိန်ခေါ်မှု ဖြစ်နေပါတယ်” လို့ CDM ဗိုလ်ကြီးဇင်ယော်က ဆိုပါတယ်။

စစ်ကော်မရှင်ဟာ ထိုးစစ်အသွင်ရှိတဲ့ ခံစစ်ပုံစံ ပြောင်းလဲချင်လာလို့ ဧပြီလ ၂၉ ရက်က စစ်တွေမြို့အဝင် မင်းချောင်းတံတားအနီးကို ဂျက်ဖိုက်တာနဲ့ ဗုံးကြဲတိုက်ခိုက်ခဲ့တာလည်း ဖြစ်ပါတယ်။