အာရက္ခတိုင်းမ်စ် (၁ သြဂုတ် ၂၀၂၅)
ရက္ခိုင်အမျိုးသားအဖွဲ့ချုပ်/အာရက္ခတပ်တော် (ULA/AA ) က ဆယ်ကြိမ်မြောက် သတင်းစာရှင်းလင်းပွဲကို လာမယ့် ဩဂုတ်လ ၁၁ ရက် တနင်္လာနေ့ မနက် ၁၀ နာရီတွင် ပြုလုပ်သွားမယ်လို့ ဒီကနေ့မှာ ထုတ်ပြန်ပါတယ်။
အဆိုပါ သတင်းစာရှင်းလင်းပွဲကို အရင်လို ရက္ခိုင်ဘာသာစကားနဲ့ ပြုလုပ်သွားမယ်လို့လည်း သိရပါတယ်။
သတင်းစာရှင်းလင်းပွဲကို တက်ရောက်လိုတဲ့ သတင်းထောက်တွေအနေနဲ့ ဒီလင့်ခ် (https://forms.gle/9FkNHENUvZ9R1sMp9) က တဆင့် စာရင်းသွင်းဖို့ လိုအပ်တယ်လို့ ဆိုပါတယ်။
စာရင်းသွင်းထားတဲ့ သတင်းထောက်တွေကိုသာ သတင်းရယူခွင့်ပေးသွားမှာဖြစ်ပြီး သတင်းစာရှင်းလင်းပွဲကို Email က တဆင့် လိုအပ်တဲ့အချက်အလက်တွေကို ပေးသွားမယ်လို့လည်း ဆိုပါတယ်။
အာရက္ခတပ်တော်ရဲ့ ကိုးကြိမ်မြောက် သတင်းစာရှင်းလင်းပွဲကို ပြီးခဲ့တဲ့ ၂၀၂၄ ခုနှစ် ဇွန်လ ၈ ရက် စနေနေ့မှာ ပြုလုပ်ခဲ့တာဖြစ်ပြီး ယခု သတင်းစာရှင်းလင်းပွဲဟာ ၁ နှစ်ကျော်အကြာမှ ပြန်လည်ပြုလုပ်တဲ့ သတင်းစာရှင်းလင်းပွဲလည်း ဖြစ်ပါတယ်။
218 comments