အာရက္ခတိုင်းမ်စ် (၃၁ ဒီဇင်ဘာ ၂၀၂၅)
ရက္ခိုင်ပြည်၊ သံတွဲခရိုင်၊ ငပလီမြို့၊ လင်းသာရပ်ကွက် ဗုံးကြဲမှုတွင် ရှင်ကျန်ခဲ့တဲ့ ၃နှစ်အရွယ်ကလေးငယ်ကို ၁၂ နာရီအကြာမှာ ကယ်ထုတ်နိုင်ခဲ့တယ်လို့ ငပလီကမ်းခြေ စုပေါင်းပရဟိတအဖွဲ့ကထုတ်ပြန်ထားပါတယ်။
အဆိုပါ ငပလီမြို့ရှိ လင်းသာရပ်ကွက်၊ ကျင်းကန်ကြီးကို ဒီဇင်ဘာ ၂၉ ရက်၊ ည ၈ နာရီမှာ စစ်ကော်မရှင်က လေကြောင်းက နှစ်ကြိမ်တိုင်တိုင် ပေါင် (၅၀၀) ဗုံး လေးလုံးကို ကြဲချခဲ့တာ ဖြစ်ပါတယ်။
ဗုံးကြဲခံရတဲ့ အဆောက်အဦကြားမှာ အသက်ရှင်လျက် ကယ်ဆယ်နိုင်ခဲ့တဲ့ ကလေးငယ်ကတော့အသက် ၃နစ်အရွယ်ရှိ အေးသန္တာခိုင်ဖြစ်ပြီး ကံကောင်းတဲ့ ကလေးဖြစ်တာကြောင့် မေကံကောင်းလို အများက အသိမှတ်ပြု ခေါ်ဝေါ်နေကြတာပဲ ဖြစ်ပါတယ်။
“ ဗုံးကြဲခံရတဲ့ အဆောက်အဦးအောက်ထဲမှာ ၁၂ နာရီအထိ ပိတ်မိနေခဲ့ပါတယ်။ နံနက် ၈ နာရီ ၁၂ မိနစ်အချိန်မှာ ကယ်ဆယ်ရေးသမားတွေက ရှာဖွေကယ်ထုတ်နိုင်ခဲ့ပါတယ်” လို့ အဆိုပါ အဖွဲရဲ့တာဝန်ရှိသူတဦးက ဆိုပါတယ်။
ကလေးငယ်ရဲ့မိခင်ဖြစ်သူဟာ ဗုံးကြဲမှုဖြစ်စဉ်မှာ သေဆုံးခဲ့ပြီး ဖခင်ဖြစ်သူကတော့ ပြင်းထန်ဒဏ်ရာရရှိခဲ့တယ်လို့ ငပလီကမ်းခြေ စုပေါင်းပရဟိတအဖွဲ့က ထုတ်ပြန်ထားပါတယ်။
အဆိုပါ ဖြစ်စဉ်အတွင်း အသက် ၄ နှစ် မှ အသက် ၃၆ နှစ်အရွယ်ရှိ ကျား ငါးဦး နဲ့ မ လေးဦး သေဆုံးခဲ့ပါတယ်။ သေဆုံးသူတွေအနက် မိသားစု ငါးဦးစလုံး သေဆုံးခဲ့ကြရသူတွေလည်း ပါဝင်တယ်လို့ သိရပါတယ်။
2 comments
Нужен проектор? https://projector24.ru большой выбор моделей для дома, офиса и бизнеса. Проекторы для кино, презентаций и обучения, официальная гарантия, консультации специалистов, гарантия качества и удобные условия покупки.
заклепка вытяжная 4 мм заклепки вытяжные стандартные