လင်းသာကျေးရွာ ဗုံးကြဲမှုတွင် ၃နှစ်အရွယ်ကလေးငယ်ကို ၁၂ နာရီအကြာမှာ ကယ်ထုတ်နိုင်ခဲ့

by Rakhita Timesဒီဇင်ဘာ 31, 2025ဒီဇင်ဘာ 31, 202522 264

အာရက္ခတိုင်းမ်စ် (၃၁ ဒီဇင်ဘာ ၂၀၂၅)

ရက္ခိုင်ပြည်၊ သံတွဲခရိုင်၊ ငပလီမြို့၊ လင်းသာရပ်ကွက် ဗုံးကြဲမှုတွင် ရှင်ကျန်ခဲ့တဲ့ ၃နှစ်အရွယ်ကလေးငယ်ကို ၁၂ နာရီအကြာမှာ ကယ်ထုတ်နိုင်ခဲ့တယ်လို့ ငပလီကမ်းခြေ စုပေါင်းပရဟိတအဖွဲ့ကထုတ်ပြန်ထားပါတယ်။

အဆိုပါ ငပလီမြို့ရှိ လင်းသာရပ်ကွက်၊ ကျင်းကန်ကြီးကို ဒီဇင်ဘာ ၂၉ ရက်၊ ည ၈ နာရီမှာ စစ်ကော်မရှင်က လေကြောင်းက‌ နှစ်ကြိမ်တိုင်တိုင် ပေါင် (၅၀၀) ဗုံး လေးလုံးကို ကြဲချခဲ့တာ ဖြစ်ပါတယ်။

ဗုံးကြဲခံရတဲ့ အဆောက်အဦကြားမှာ အသက်ရှင်လျက် ကယ်ဆယ်နိုင်ခဲ့တဲ့ ကလေးငယ်ကတော့အသက် ၃နစ်အရွယ်ရှိ အေးသန္တာခိုင်ဖြစ်ပြီး ကံကောင်းတဲ့ ကလေးဖြစ်တာကြောင့် မေကံကောင်းလို အများက အသိမှတ်ပြု ခေါ်ဝေါ်နေကြတာပဲ ဖြစ်ပါတယ်။

“ ဗုံးကြဲခံရတဲ့ အဆောက်အဦးအောက်ထဲမှာ ၁၂ နာရီအထိ ပိတ်မိနေခဲ့ပါတယ်။ နံနက် ၈ နာရီ ၁၂ မိနစ်အချိန်မှာ ကယ်ဆယ်ရေးသမားတွေက ရှာဖွေကယ်ထုတ်နိုင်ခဲ့ပါတယ်” လို့ အဆိုပါ အဖွဲရဲ့တာဝန်ရှိသူတဦးက ဆိုပါတယ်။

ကလေးငယ်ရဲ့မိခင်ဖြစ်သူဟာ ဗုံးကြဲမှုဖြစ်စဉ်မှာ သေဆုံးခဲ့ပြီး ဖခင်ဖြစ်သူ‌ကတော့ ပြင်းထန်ဒဏ်ရာရရှိခဲ့တယ်လို့ ငပလီကမ်းခြေ စုပေါင်းပရဟိတအဖွဲ့က ထုတ်ပြန်ထားပါတယ်။

အဆိုပါ ဖြစ်စဉ်အတွင်း အသက် ၄ နှစ် မှ အသက် ၃၆ နှစ်အရွယ်ရှိ ကျား ငါးဦး နဲ့ မ လေးဦး သေဆုံးခဲ့ပါတယ်။ ‌သေဆုံးသူတွေအနက် မိသားစု ငါးဦးစလုံး သေဆုံးခဲ့ကြရသူတွေလည်း ပါဝင်တယ်လို့ သိရပါတယ်။

မာန်အောင်မှာ ဆေးဝါး ‌ဈေးအဆမတန်မြင့်မားတဲ့အပြင် ဆေးဝါးရှားပါးနေ

Rakhita Times

22 comments

auto 758 ဖေ‌ဖော်ဝါရီ 24, 2026 at 8:29 ညနေ

A convenient car catalog https://www.auto.ae/catalog brands, models, specifications, and current prices. Compare engines, fuel consumption, trim levels, and equipment to find the car that meets your needs.