မြောက်ဦးဆေးရုံအတွက် အရွယ်စုံ Arakanese Ladies က သိန်း ၁၅၀ မတည်၊ စုစုပေါင်း သိန်း တထောင်ကျော် လှူဒါန်း

အာရက္ခတိုင်းမ်စ် (၂၀ ဇန်နဝါရီ ၂၀၂၆)

ရက္ခိုင်ပြည်၊ မြောက်ဦးဆေးရုံ ဗုံးကြဲခံရမှုဖြစ်စဉ်အတွက် အရွယ်စုံ Arakanese Ladies က သိန်း ၁၅၀ မတည်ခဲ့ပြီး စုစုပေါင်း အလှူငွေ သိန်း တထောင်ကျော် လှူဒါန်းနိုင်ခဲ့တယ်လို့ သိရပါတယ်။

မတည်ငွေ သိန်း ၁၅၀ အပြင် အလှူရှင်တွေ၊ ပရဟိတအသင်းအဖွဲ့တွေနဲ့အတူ ထိုင်ဝမ်အသင်း၊ USA , Indianapolis က ခါတော်မှီနှင့်အလှူမိတ်ဆွေသူငယ်ချင်းများ နဲ့ နိုင်ငံတကာမှ အလှူရှင်များ စုပေါင်းလှူဒါန်းခဲ့တဲ့ စုစုပေါင်း အလှူငွေသိန်းပေါင်း (၁၃၄၀၇၄၈၉၉) ကျပ် ရရှိခဲ့တယ်လို့ အရွယ်စုံ Arakanese Ladies က ဆိုပါတယ်။

ရက္ခိုင်ပြည်အတွက် လိုအပ်တဲ့အချိန်မှာ စိတ်စေတနာ အရင်းခံပြီး နွေးထွေးတဲ့ လက်အစုံနဲ့ စာနာမှုအတွက် ကျေးဇူးအထူးတင် ဂါရဝပြုကြောင်းလည်း အရွယ်စုံ Arakanese Ladies က ဆိုပါတယ်။

အရွယ်စုံ Arakanese Ladies အနေနဲ့ ရက္ခိုင်ပြည် စစ်ဘေးရှောင်စခန်းရှိ မွေးကင်းစကလေးကနေ ၆ လသားအရွယ် နို့စို့ကလေးငယ်တွေအတွက် နို့မှုန့်အာဟာရတွေကိုလည်း လှူဒါန်းပေးနေတယ်လို့ သိရပါတယ်။

အလားတူ စစ်ဘေးရှောင်တွေအတွက် လိုအပ်နေတဲ့ စောင်၊ မျက်နှာသုတ်ပုဝါ၊ အင်္ကျီ၊ ပုဆိုး နဲ့ ထမိန်တို့ကိုလည်း အလျင်းသင့်သလို့ လှူဒါန်းပေးနေတယ်လို့လည်း သိရပါတယ်။