အာရက္ခတိုင်းမ်စ် (၂၀ ဇန်နဝါရီ ၂၀၂၆)
စစ်ကော်မရှင်က ယနေ့ ဇန်နဝါရီ ၂၀ ရက် ည ၇ နာရီဝန်းကျင်မှာ ယချောင်းတူ (ခ) ဆောင်းဒုံ ကျေးရွာအနောက်ဘက် စစ်သုံ့ပန်းများ ထားတဲ့နေရာကို ဗုံးကြဲခဲ့လို့ စစ်သုံပန်းများ ထိခိုက်သေဆုံးခဲ့တယ်လို့ အာရက္ခတပ်တော် AA ကထုတ်ပြန်ထားပါတယ်။
ရက္ခိုင်ပြည်၊ ကျောက်တော်မြို့နယ် နဲ့ ပုဏ္ဏားကျွန်းမြို့နယ်အစပ်ရှိ ချောင်းတူ (ခ) ဆောင်းဒုံ ကျေးရွာအနောက်ဘက်ရှိ နေရာအချို့ကို ယနေ့ ည ၇ နာရီ ၂၄ မိနစ် နဲ့ ၇ နာရီ ၂၈ မိနစ်က စစ်ေကာ်မရှင် က လေကြောင်းကနေ ဂျက်တိုက်လေယာဉ် နှစ်စီးနဲ့ ရှေ့ဆင့်နောက်ဆင့် တနေရာကို ဗုံး နှစ်လုံးစီ ကြဲချခဲ့တာလို့ AA က ဆိုပါတယ်။
ဗုံးကြဲမှုကြောင့် စစ်သုံ့ပန်းမိသားစုဝင်များ နဲ့ စစ်သုံ့ပန်းအချို့ ပွဲချင်းပြီးသေဆုံးကာ ဒဏ်ရာရရှိခဲ့တယ်လို့ သိရပါတယ်။ သေဆုံး၊ ဒဏ်ရာရ အသေးစိတ်စာရင်းများကို ထပ်မံဖော်ပြပေးမယ်လို့လည်း ထုတ်ပြန်ထားပါတယ်။
အဆိုပါ သေဆုံးထိခိုက်ခဲ့တဲ့ စစ်သုံ့ပန်းများနဲ့ စစ်သုံ့ပန်းမိသားစုဝင်တွေဟာ မကြာခင် ပြန်လည်လွှတ်ပေးရန် ထားရှိတဲ့လူတွေ ဖြစ်တယ်လို့ အာရက္ခတပ်တော် AA က ထုတ်ပြန်ထားပါတယ်။
2 comments
Sprawdz poradnik analog vs digital fpv, jesli szukasz najlepszych wskazowek przy wyborze kamery FPV na start.
Dobre mocowanie kamery zapobiega przesunieciom i amortyzuje wstrzasy w trakcie lotu.
Широкий выбор ковров представлен в интернет магазине нашего города Краснодар, подходящий для всех стилей интерьера.
Лучшие шерстяные ковры
Покупка ковра в нашем интернет магазине — это просто, удобно и выгодно.