အာရက္ခတိုင်းမ်စ် (၅ မတ်လ၂၀၂၆)
ရက္ခိုင်ပြည်၊ ပုဏ္ဏားကျွန်းမြို့နယ်၊ ယိုးငူရွာက ထိခိုက် သေဆုံးခဲ့သူတွေအတွက် ၁၃၈ သိန်း ထပ်မံလှူဒါန်းခဲ့တယ်လို့ စာရေးဆရာ ဝေဟင်အောင်က ဆိုပါတယ်။
ပြီးခဲ့တဲ့ ဖေဖော်ဝါရီလ ၂၄ ရက်၊ မွန်းလွဲ ၂ နာရီ ၆ မိနစ်မှာ စစ်ကော်မရှင်က လေကြောင်းကနေ ဂျက်ဖိုက်တာတစီးနဲ့ ဗုံးကြဲတိုက်ခိုက်ခဲ့တာကြောင့် ကျား/မ စုစုပေါင်း ၁၉ ဦး သေဆုံးခဲ့တယ်လို့ သိရပါတယ်။
ဒါ့အပြင် ဒဏ်ရာရရှိသူဟာလည်း ၂၇ ဦး ထိရှိပြီး အရေးပေါ်လူနာအဖြစ် ဆေးကုသနေသူ ၈ ဦး ရှိတယ်လို့ စာရေးဆရာဝေဟင်အောင်က ဆိုပါတယ်။
“ဒုတိယအကြိမ် လှူဖြစ်ခဲ့တာက အလှူရှင်တွေ ထပ်တိုးလှူဒါန်းတာကြောင့်ပါ” လို့ စာရေးဆရာဝေဟင်အောင်က အာရက္ခတိုင်းမ်စ်ကို ပြောပါတယ်။
အခု လှူဒါန်းမှုမှာ ယိုးငူရွာသားဖြစ်တဲ့ အမေရိကန်နိုင်ငံတွင် နေထိုင်သူ ကိုသိန်းနု နဲ့ ဇနီး မခိုင်မြတ်ဇံ မိသားစုက အလှူငွေ ၆၆ သိန်း လှူဒါန်းခဲ့ပြီး ကျန် အလှူငွေတွေကတော့ ပြည်တွင်းပြည်ပက စေတနာရှင်တွေ စုပေါင်း လှူဒါန်းတာ ဖြစ်တယ်လို့ သိရပါတယ်။
စာရေးဆရာဝေဟင်အောင်တို့အဖွဲ့ဟာ ပြည်တွင်းပြည်ပက စေတနာရှင်တွေရဲ့ အလှူငွေကို တဆင့် ပြန်လှူဒါန်းတာဖြစ်ပြီး၊ လှူဒါန်းပေးတဲ့ စေတနာရှင်တွေကို ကျေးဇူးတင်ရှိပါတယ်လို့လည်း သူက ဆိုပါတယ်။
1 comment
Honestly slowed down to read this carefully which is not my default, and a look at wifiwizard kept me in that careful reading mode, the kind of writing that demands attention by being worth attention is rare in a media environment full of content engineered to be skimmed not read with any real focus today.