အာရက္ခတိုင်းမ်စ် (၁၆ မေ ၂၀၂၆)
ဧရာဝတီတိုင်း ရေကြည်မြို့နယ် ငါးသိုင်းချောင်းမြို့ မြောက်စမ်းရွာရှိ အမြောက်တပ် (အမတ ၃၄၄) တပ်ရင်းအနီးက ကာကင်းစခန်း အာလုံးနီးပါးကို အာရက္ခတပ်တော် နဲ့ ပူးပေါင်းမဟာမိတ်တပ်တွေက သိမ်းပိုက်လိုက်တယ်လို့ သိရပါတယ်။
“ အမတ ၃၄၄ ကို ဝန်းရံထားတဲ့ ကာကင်းစခန်းတွေ အကုန်လုံး ကျသွားပြီလို့ ပြောလို့ရတယ်။ နယ်မြေရှင်းလင်းရေးတွေ ဆက်လုပ်နေပြီး ထွက်ပြေးလာတဲ့သူတွေ၊ လာရောက်အလင်းဝင်းသူတွေလည်း တော်တော်များတယ်” လို့ မြေပြင်စစ်ရေးသတင်းရင်းမြစ်တဦးက အာရက္ခတိုင်းမ်စ်ကို ပြောပါတယ်။
လက်ရှိမှာ အာရက္ခတပ်တော်နဲ့ ပူးပေါင်းမဟာမိတ်တပ်တွေဟာ အမြောက်တပ် (အမတ ၃၄၄) တပ်ရင်းဌာနချုပ်နဲ့ ၁ မိုင်ခန့်သာ ကွားဝေးနဲ့ အနေအထားမှာ ရောက်ရှိနေတယ်လို့လည်း သိရပါတယ်။
အမတ (၃၄၄) အမြောက်တပ်စခန်းဟာ ငသိုင်းချောင်းမြို့ စစ်ဆေးရေးဂိတ်ရောက်ရန် ၂ မိုင်ခန့်သာလိုတော့တဲ့ အမြောက်တပ်တခုလည်း ဖြစ်ပါတယ်။
အမြောက်တပ် (အမတ ၃၄၄) တပ်ရင်းရဲ့အောက်မှာတော့ ဧရာဝတီတိုင်း ဖျာပုံမြို့အခြေစိုက် ခြေလျင်တပ်ရင်း (ခလရ – ၉၈)၊ ဓနုဖြူအခြေစိုက် ခြေလျင်တပ်ရင်း (ခလရ – ၁၀၈) နဲ့ တပ်မ ၆၆ လက်အောက်ခံ (ခလရ ၁၄) တပ်ရင်း တို့ရှိနေတာလည်း ဖြစ်ပါတယ်။
စစ်ကော်မရှင်က ဧရာဝတီတိုင်း အင်္ဂပူမြို့နယ် ကွင်းကောက်မြို့ရှိ တပ်မတော်တန်းမြင့်လေ့ကျင့်ရေးသင်တန်းကျောင်း (တတက-၅) ကို ခံစစ်စခန်းအသွင်ပြောင်းပြီး စစ်အင်အား ထောင်ချီဖြည့်တင်းကာ ရက္ခိုင်ပြည်တောင်ပိုင်းကို ထိုးစစ်ဆင်ရန် ပြင်ဆင်နေချိန်မှာ အာရက္ခတပ်တော်က အမတ ၃၄၄ ကို ထိုးစစ်ဆင်လိုက်တာလည်း ဖြစ်ပါတယ်။
