ရမ်းဗြဲတွင် စကမ ဗုံးချလို့ ဆရာတော်တပါးနဲ့ ပြည်သူတဦး ဒဏ်ရာရ

အာရက္ခတိုင်းမ်စ် (၂၁ မေ ၂၀၂၆)

ရက္ခိုင်ပြည် ရမ်းဗြဲမြို့နယ် မေ ၂၀ ရက် မနက်ပိုင်းက စစ်ကော်မရှင်တပ်က ဗုံးကြဲချခဲ့လို့ ဆရာတော်တပါးနဲ့ ပြည်သူတဦး ထိခိုက်ဒဏ်ရာ ရရှိခဲ့တယ်လို့ သိရပါတယ်။

“ ရမ်းသစ်ကြီးရွာမဘုန်းကြီးကျောင်းကို ဆူဆိုဒ်ဒရုန်း (၂) စီးနဲ့လာပြီး ဗုံးချတိုက်ခိုက်ခဲတာ” လို့ ရမ်းဗြဲမြို့နယ်ဒေသခံတဦးက အာရက္ခတိုင်းမ်စ်ကို ပြောပါတယ်။

စစ်ကော်မရှင်ရဲ့ ဗုံးကြဲမှုကြောင့် ထိခိုက် ဒဏ်ရာရရှိသွားသူမှာ ရမ်းဗြဲမြို့နယ်၊ ရမ်းသစ်ကြီးရွာမရွာနေ ကျောင်းထိုင်ဆရာတော် အသျှင် ဣဓက (သက်တော် ၄၂ နှစ်) နဲ့ ဖခင် ဦးမောင်ဖြူအေးရဲ့သား အသက် ၁၆ နှစ်အရွယ် မောင်မြတ်ထွေး ဖြစ်တယ်လို့ သိရပါတယ်။

အဆိုပါ ဒရုန်းနဲ့ ဗုံးကြဲတိုက်ခိုက်မှုကြောင့် ဘုန်းကြီးကျောင်း ရှေ့မျက်နှာစာနဲ့ ကျောင်းအောက်တွင် ရပ်ထားတဲ့ ကားတစီးလည်း ပျက်စီးသွားတယ်လို့ သိရပါတယ်။

အလားတူ ရက္ခိုင်ပြည် ကျောက်ဖြူမြို့နယ် စနဲမြို့ကို စစ်ကော်မရှင်က မေလ ၁၉ ရက် နေ့လည်က ဒရုန်းနဲ့ ဗုံးကြဲတိုက်ခိုက်ခဲ့လို့ အိမ်ခြေ ၁၀၀ လောက် မီးလောင်သွားခဲ့ပါတယ်။
Photo – APM