NewsPolitic

စစ်တွေခရိုင်တွင် AA က မိုင်း အလုံး ၂၀၀ ခန့် ရှင်းလင်းနိုင်ခဲ့

အာရက္ခတိုင်းမ်စ် (၁၈ ဇွန် ၂၀၂၆)

ရက္ခိုင်ပြည် စစ်တွေခရိုင်တွင် အာရက္ခတပ်တော်က မေလ တစ်လအတွင်း မိုင်း အလုံးရေပေါင်း ၂၀၀ ခန့် ရှင်းလင်းနိုင်ခဲ့တယ်လို့ သိရပါတယ်။

“မိုင်း အမျိုးအစားတွေက စုံတော့ စုံတယ်။ အလုံး ၁၉၉ လုံးကို ရှင်းလင်းနိုင်ခဲ့တယ်” လို့ စစ်တွေခရိုင်ဒေသခံတစ်ဦးက အာရက္ခတိုင်းမ်စ်ကို ပြောပါတယ်။

အာရက္ခတပ်တော်က ရှင်းလင်းနိုင်ခဲ့တယ် မိုင်းများမှာ MA4 အမျိုးအစားမိုင်း (၁၅၀) လုံး၊ MA2 အမျိုးအစားမိုင်း (၁၆) လုံးနဲ့ MA1 (တိုက်မိုင်း) အမျိုးအစားမိုင်း (၃၃) လုံး ဖြစ်တယ်လို့ သိရပါတယ်။

အဆိုပါ မိုင်းများကို စစ်တွေခရိုင်အတွင်းရှိ မြို့နယ်များက ရွေးတုအစိုးရတပ်ရဲ့ တပ်ရင်း၊ တပ်စခန်း အနီးဝန်းကျင်နဲ့ အများပြည်သူသုံး ကားလမ်းမ ဘေးယာတွင် ရှင်းလင်းနိုင်ခဲ့တာလည်း ဖြစ်ပါတယ်။

အလားတူ မတ်လ အတွင်းကလည်း အာရက္ခတပ်တော်က စစ်တွေခရိုင်အတွင်း မိုင်းအလုံးရေ ၁၉၆ လုံး နဲ့ ဖေဖော်ဝါရီလက မိုင်းအလုံးရေ စုစုပေါင်း ၂၆၂ လုံးကို ရှင်းလင်း သိမ်းဆည်းနိုင်ခဲ့ပါတယ်။

အာရက္ခတပ်တော်အနေနဲ့ မြေမြှုပ်မိုင်း၊ စစ်ကျန်လက်နက်အန္တရာယ်ပညာပေးဟောပြောပွဲများ၊ မိုင်းအန္တရာယ်ဆိုင်ရာ သတိပေးဆိုင်းဘုတ်များ၊ မိုင်းအန္တရာယ်ဆိုင်ရာအသိပညာပေး လက်ကမ်းစာစောင်ဖြန့်ဝေမှုများလည်း ဆက်လက် လုပ်ဆောင်ပေးနေတယ်လို့ သိရပါတယ်။
Photo – APM

Related posts

ရသေ့‌တောင်မြို့နယ် ဗုံးကြဲခံရမှု နေအိမ်နှစ်ဆောင်ထက်မနည်း ပျက်စီး

Rakhita Times

ငှက်ဖျားအဖြစ်များနေတဲ့ ရွာ ၃ ရွာနဲ့ စစ်ရှောင်စခန်း ၂ ခု ကို ULA မြေပြင်ဆင်း ကုသပေးနေ

Rakhita Times

AA ထိုးစစ်ကြောင့် ဗိုလ်မှူးသန့်ဇော်ဟိန်း သေဆုံး

Rakhita Times

10 comments

Leave a Comment