အာရက္ခတိုင်းမ်စ် (၂၀ ဇွန် ၂၀၂၆)
၂၀၂၆ ခုနှစ် ဇွန်လ ၁၉ ရက်တွင် Skynet ရုပ်သံလိုင်းတွင် ထုတ်လွှင့်ခဲ့တဲ့ The Mask Singer Myanmar အစီအစဉ်တွင် အစီအစဉ်တင်ဆက်သူ ပိုင်ဇေရဲထွန်းက နှင်းဆီပန်းရင်ထိုးတပ်ဆင်ခဲ့လို့ ရွေးတုအစိုးရအနေနဲ့ အရေးယူရန် တိုက်တွန်း နှိုးဆောင်နေတယ်လို့ သိရပါတယ်။
“ ပြောရရင်တော့ The Mask Singer Myanmar ဆိုတာ မြန်မာပြည်သူတွေ စိတ်ဝင်စားမှုရှိတဲ့ TV Show အစီအစဉ်ပါ။ သူ့ဟာသူ လွန်ခဲ့တဲ့ ဘယ်ရက်ကပဲ ရိုက်ကူးထား၊ ရိုက်ကူးထား ဇွန်လ ၁၉ ရက် သောကြာနေ့မှာ ထုတ်လွှင့်တယ်ဆိုတာကတော့ ရည်ရွယ်ချက် ရှိကို ရှိပါလိမ့်မယ်။ ရည်ရွယ်ချက်ရှိရှိနဲ့ သွေးတိုးစမ်းတဲ့ သဘောပါ။ ဒီလို ဖြစ်ရပ်မျိုးကို ခွင့်လွှတ်ပေးလိုက်မယ်ဆိုရင် “ အစရှိ အနှောင်နှောင်” လိုက်လုပ်ကြမယ့်သူတွေ ဒုနဲ့ဒေးပေါ့။ ဒါကြောင့် စံနမူနာပြ အရေးယူသင့်တယ်လို့ မြင်မိပါတယ်” လို့ တပ်ထောက်ခံသူတစ်ဦးက ရေးသားထားပါတယ်။
နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ၈၁ နှစ်မြောက်မွေးနေ့အဖြစ် ဇွန်လ ၁၉ ရက်က နှင်းဆီသပိတ် လှုပ်ရှားမှုကို နိုင်ငံတကာတွင် ပြုလုပ်ခဲ့တာလည်း ဖြစ်ပါတယ်။
စစ်တပ်က အာဏာသိမ်းလိုက်တဲ့ ၂၀၂၁ ခုနှစ် ဖေဖော်ဝါရီလ ၁ ရက်ကစတင်ကာ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကို ဒီကနေ့အထိ ငါးနှစ် လေးလ နဲ့ ၁၈ ရက်ကြာ ဖမ်းဆီးထားတာလည်း ဖြစ်ပါတယ်။
