အာရက္ခတိုင်းမ်စ် (၁၄ ဇွန် ၂၀၂၅)
ရန်ကုန်မြို့ မရမ်းကုန်းမြို့နယ်ရှိ ထွေ/အုပ် ရုံးတွင် ဇွန်လ ၁၁ ရက် မနက် ၁၀ နာရီခန့်က သံတွဲသား ၁ ဦး ဓါးထိုး အသတ်ခံရလိုက်ရပြီး အသတ်ခံလိုက်ရသူကို မနက်ဖြန် (ဇွန် ၁၅) တွင် ရေဝေးသုဿာန် VIP အဆောင်သစ်တွင် မီးသင်္ဂြိုလ်မယ်လို့ သိရပါတယ်။
အသတ်ခံရသူမှာ သံတွဲမြို့နယ် နန်းချောင်းကျေးရွာက ဦးအောင်မြသန်း နဲ့ ဒေါ်ရီတို့ရဲ့ သားဖြစ်သူ အသက် ၃၆ နှစ်အရွယ် ကိုအောင်မြင့်မြတ်ဖြစ်ပြီး သူဟာ မရမ်းကုန်း ထွေ/အုပ်ရုံးတွင် စစ်ရှောင်တွဲဖက်တာဝန်ထမ်းဆောင်နေသူ ဖြစ်တယ်လို့ သိရပါတယ်။
“မနက်ဖြန် ၁၂ နာရီ ခွဲ မှာ မီးသင်္ဂြိုလ်ပါမယ်။ နေအိမ်ကနေပြီးတော့ ၁၀ နာရီခွဲမှာ စတင် ထွက်ခွာပါမယ်” လို့ ကိုအောင်မြင့်မြတ် နဲ့ ဆွေမျိုးသားချင်း တော်စပ်သူတစ်ဦးက အာရက္ခတိုင်းမ်စ်ကို ပြောပါတယ်။
အဆိုပါ အောင်မြင့်မြတ်ကို ဓါးနဲ့ ထိုးသတ်သွားသူ အသတ် ၅၃ နှစ်အရွယ် ကိုကျော်စိုးမင်းဟာ ထွက်ပြေးတိမ်းရှောင်သွားပြီး ယခုအချိန် ဖမ်းဆီးရမိခြင်း မရှိသေးဘူးလို့လည်း သိရပါတယ်။
172 comments