ကျောက်တော်တွင် ရှေးဟောင်း ကျောက်ပုလ္လင် တွေ့ရှိ

အာရက္ခတိုင်းမ်စ် (၂၈ ဇူလိုင် ၂၀၂၅)

ရက္ခိုင်ပြည် ကျောက်တော်မြို့နယ် ကျောက်တော်တောင် ဘုရားတက်လမ်းတွင် ရှေးဟောင်းကျောက်ပုလ္လင် တခု တွေ့ရှိခဲ့တယ်လို့ သိရပါတယ်။

“သေလာဂီရီ ​မောရပ္ပတ (​ခေါ်) ​ကျောက်​တော်​တောင် ဘုရားတက်လမ်းမှာ ဝသုန္ဒ​ရေရုပ်ထုပါ ​​ရှေ့ဟောင်း​ကျောက်ပလ္လင် တစ်ခုကို ​မြေကြီးထဲက​နေ ​တွေ့ရှိတယ်” လို့ စာရေးဆရာ ဦးဝေဟင်အောင်က သူ့ရဲ့ လူမှုကွန်ရက် စာမျက်နှာမှာ ဖော်ပြထားပါတယ်။

ဝသုန္ဒ​ရေ ဆိုတာဟာ မြေစောင့်နတ်တမျိုးဖြစ်ပြီး လူသေဆုံးတဲ့အခါမှာ သေဆုံးသူရဲ့ ဝိဉာဏ်ကို နတ်ပြည်၊ ငရဲပြည် စတဲ့ ၃၁ ဘုံ တခုခုကို ပို့ဆောင်ပေးရာတွင် ဆုံးဖြတ်ပေးတဲ့ ပုဂ္ဂိုလ်ပဲ ဖြစ်ပါတယ်။

“ရက္ခိုင် ​ရှေးဟောင်း ပလ္လင်တို့တွင် ဝသုန္ဒ​ရေရုပ်ထုပါ ​ကျောက်ပလ္လင်တို့မှာ အ​တွေ့ရနည်းပြီး ရှားပါး ​ရှေ့ဟောင်း ​ကျောက်ဆစ်လက်ရာ တစ်ခုဖြစ်ပါတယ်” လို့လည်း စာရေးဆရာ ဦးဝေဟင်အောင်က ဆိုပါတယ်။

ဝသုန္ဒရေ မြေစောင့်နတ်မင်းကို သစ္စာရှိတဲ့နတ်မင်းလို့လည်း အသိများသလို အိုးပိုင်အိမ်ပိုင်ရရှိဖို့ရာလည်း ပူဇော်ကြပါတယ်။ အလားတူ အလှူအတန်းများလုပ်ပီး အမျှဝေရာတွင်လည်း မဟာပထဝီမြေကြီးကို အပိုင်စားသော ဝသုန္ဒရေနတ်မင်းကို တိုင်တည်သစ္စာပြု အမျှဝေလေ့ ရှိကြတယ်လို့လည်း သိရပါတယ်။