NewsPolitic

ကမ္ဘာကျော် အဆိုတော် Zayn Malik က ရက္ခိုင်၊ ကရင်နီ လေကြောင်းတိုက်ခိုက်မှုအပေါ် UNICEF ထုတ်ပြန်ချက်ကို မျှဝေ

အာရက္ခတိုင်းမ်စ် (၄ နိုဝင်ဘာ ၂၀၂၆)

ရက္ခိုင်ပြည်မှာ ပြီးခဲ့တဲ့ရက်ပိုင်းအတွင်း လေကြောင်းတိုက်ခိုက်မှုတွေကြောင့် ကလေးတွေ ထိခိုက်သေဆုံးတာကို ကုလသမဂ္ဂ ကလေးများရန်ပုံငွေအဖွဲ့ (UNICEF) က နိုဝင်ဘာလ ၃ ရက် ထုတ်ပြန်ချက်မှာ စိုးရိမ်ကြောင်း ဖော်ပြထားပါတယ်။

ဒီ UNICEF ထုတ်ပြန်ချက်ကို One Direction အဖွဲ့ဝင်ဟောင်း၊ ကမ္ဘာကျော်အဆိုတော် Zayn Malik က သူ့ရဲ့ Instagram Story မှာ ထပ်ဆင့်မျှဝေခဲ့ပါတယ်။

UNICEF ရဲ့ ဖော်ပြချက်အရ ရက္ခိုင်ပြည်မှာ ယာယီကျန်းမာရေးစောင့်ရှောက်မှု ပေးနေတဲ့ ဆေးခန်းတစ်ခုကို တိုက်ခိုက်ခဲ့ရာမှာ မွေးကင်းစကလေးငယ်တစ်ဦးနဲ့ ကျန်းမာရေးဝန်ထမ်းတွေ သေဆုံးခဲ့တယ်လို့ ဆိုပါတယ်။

အာရက္ခတပ်တော် (AA) က နိုဝင်ဘာလ ၁ ရက်မှာ မြောက်ဦးမြို့နယ်၊ ထမ္မရာဇ်ရပ်ကွက်က ယာယီဆေးကုခန်းနဲ့ သားဖွားဆောင်ကို စစ်ကောင်စီက ဂျက်တိုက်လေယာဉ်တွေနဲ့ Cluster ဗုံးကြဲခဲ့လို့ မွေးကင်းစကလေးငယ်တစ်ဦးအပါအဝင် ၅ ဦး သေဆုံးပြီး ဆေးဝန်ထမ်းအချို့အပါအဝင် ၉ ဦး ဒဏ်ရာရခဲ့တယ်လို့ ထုတ်ပြန်ထားပါတယ်။

UNICEF က ကရင်နီပြည်နယ်၊ လွိုင်ကော်မြို့နယ်က စစ်ဘေးရှောင်ကလေးတွေနဲ့ မိသားစုတွေအတွက် ကျောင်းတစ်ကျောင်းကို လေကြောင်းတိုက်ခိုက်လို့ ကလေး ၃ ဦး သေဆုံးပြီး ၅ ဦး ဒဏ်ရာရခဲ့တယ်ဆိုတဲ့ ဖော်ပြချက်ကိုလည်း စိုးရိမ်ကြောင်း ဖော်ပြထားပါတယ်။

UNICEF က ထိခိုက်ခံရတဲ့ ကလေးတွေနဲ့ မိသားစုတွေအတွက် မိတ်ဖက်အဖွဲ့တွေနဲ့ ပူးပေါင်း ကူညီဆောင်ရွက်နေပြီး အရပ်သားနဲ့ ကလေးတွေ နေထိုင်တဲ့ဒေသတွေကို လေကြောင်းက တိုက်ခိုက်တာကို ရပ်တန့်ဖို့၊ အပြည်ပြည်ဆိုင်ရာ လူသားချင်းစာနာထောက်ထားမှုဥပဒေကို လိုက်နာဖို့နဲ့ ကလေးတွေကို အကာအကွယ်ပေးဖို့ တောင်းဆိုထားပါတယ်။

Related posts

မွတ်ဆလင်အရေးနဲ့ ပတ်သက်ပြီး AA နဲ့အတူ ဗမာ့တပ်တော် ထောက်ခံရပ်တည်

Rakhita Times

မိုးရာသီ ဘေးအန္တရာယ် ကင်းစင်ရေး ရှောင်ရန် ဆောင်ရန် ပို့ဆောင်ရေးဌာန ထုတ်ပြန်

Rakhita Times

AA ရဲ့ ခုခံစစ်နဲ့ တန်ပြန်စစ်ကြောင့် ရွေးတုတပ် အကျအဆုံးနဲ့ တပ်လန်ဆုတ်သွား

Rakhita Times

Leave a Comment