အာရက္ခတိုင်းမ်စ် (၈ နိုဝင်ဘာ ၂၀၂၅)
ရက္ခိုင်ပြည် မောင်တောမြို့နယ် ARSA တပ်ဖွဲ့ဝင်တွေက သတ်ဖြတ်လို့ ဒေသခံပြည်သူတဦး သေဆုံးခဲ့တယ်လို့ သိရပါတယ်။
“ မနေ့က (၇ နိုဝင်ဘာ) မနက်ပိုင်းမှာ နွားကျောင်းဖို့ ထွက်သွားတာ။ ပြန်မလာလို့ လိုက်ရှာကြတာ။ ဒီနေ့ကျတော့ အလောင်းပဲ ရခဲ့တယ်” လို့ မောင်တောမြို့နယ်ဒေသခံတဦးက အာရက္ခတိုင်းမ်စ်ကို ပြောပါတယ်။
ARSA တပ်ဖွဲ့ဝင်တွေရဲ့ သတ်ဖြတ်ခြင်းကို ခံလိုက်ရသူမှာ ရက္ခိုင်ပြည် မောင်တောမြို့နယ် ငွေတောင်ရွာက အသက် ၆၃ နှစ် အရွယ် ဦးဦးရွှေသိန်း ဖြစ်တယ်လို့ သိရပါတယ်။
“ အခုဆို ဒေသခံတွေဟာ လူစုလူဝေးနဲ့မှပဲ သွားရဲကြတော့တယ်။ တပ်တော်ကလည်း ဝေးဝေးလံလံ မသွားကြဖို့နဲ့ ခရီးသွားရင် အကြောင်းကြားပြီးသွားဖို့တော့ ပြောထားတယ်” လို့ သူက ထပ်မံပြောပါတယ်။
အလားတူ အောက်တိုဘာလ ၂၂ ရက်ကလည်း မောင်တောမြို့နယ် မြိုယုရွာအနီးတွင် ခရီးသည်တင်ကားတစီးကို ARSA တပ်ဖွဲ့ဝင်တို့ တိုက်ခတ်ခဲ့လို့ ပြည်သူ ၂ ဦး သေဆုံးခဲ့ပါတယ်။
Photo – APM
3 comments