အာရက္ခတိုင်းမ်စ် (၈ အောက်တိုဘာ ၂၀၂၅)
အကြမ်းဖက်စစ်ကော်မရှင်တပ်ဟာ ဒီနေ့ နေ့လယ် ၂ နာရီကျော်အချိန်မှာလည်း ပုဏ္ဏားကျွန်းမြို့နယ်နဲ့ ပေါက်တောမြို့တို့ကို ဗုံးကြဲခဲ့တယ်လို့ သိရပါတယ်။
ဗုံးကြဲမှုကြောင့် ပုဏ္ဏားကျွန်းမြို့နယ်၊ ကျောက်သံခြေကျေးရွာမှ အမျိုးသမီးနှစ်ဦးသေဆုံးပြီး နောက်ထပ်အမျိုးသမီးတစ်ဦးဒဏ်ရာရရှိသွားသလို ပေါက်တောမြို့မ (အ.ထ.က) စာသင်ကျောင်းအနီးကိုလည်း ဗုံးကြဲခဲ့မှုကြောင့် အမျိုးသားတစ်ဦး ဒဏ်ရာရရှိသွားတယ်လို့ သိရှိရပါတယ်။
ကျောက်သံခြေကျေးရွာသို့ ဗုံးကြဲမှုတွင် လူနေအိမ် (၃) ဆောင်ခန့် ပျက်စီးသွားကြောင်းလည်း သိရှိရပါတယ်။
အကြမ်းဖက် စစ်တပ်ဟာ ယမန်နေ့ကလည်း ပုဏ္ဏားကျွန်းမြို့နယ်၊ ယိုးတရုတ်ကျေးရွာနဲ့အောင်ဖြူပြင်ကျေးရွာကို ဗုံးကြဲခဲ့သလို့ မင်းပြားမြို့ကိုလည်း ဗုံးကြဲခဲ့ပါတယ်။
ထိုသို့ ဗုံးကြဲမှုဖြစ်စဉ်ကြောင့် ယမန်နေ့ တစ်
ရက်တည်းမှာ အရပ်သားပြည်သူ (၁၀) ဦးသေဆုံးပြီး (၂၀) နီးပါး ဒဏ်ရာရရှိသွားခဲ့ပါတယ်။
1,088 comments