အာရက္ခတိုင်းမ်စ် (၁၈ နိုဝင်ဘာ ၂၀၂၅)
စစ်ကော်မရှင်အနေနဲ့ နိုငဝင်ဘာလ ၁၇ ရက် တနေ့တည်းကို ဗုံးအလုံးရေ ၆၀ ကျော် ကြဲချခဲ့တယ်လို့ အာရက္ခတပ်တော်က ထုတ်ပြန်ပါတယ်။
“ ဖက်ဆစ် အကြမ်းဖက် စစ်ကောင်စီ (စစ်ကော်မရှင်တပ်) ဟာ ညနေ ၄ နာရီ ၃၀ မိနစ်ခန့်မှာ စစ်တွေနြို့နယ် အမြင့်ကျွန်း တံတားအနီးကို Y-12 လေယာဉ်နဲ့ ဗုံးအလုံး ၆၀ ခန့် လာရောက်ကြဲချခဲ့တယ်” လို့ အာရက္ခတပ်တော်က မနေ့က (၁၇ နိုဝင်ဘာ) ထုတ်ပြန်ခဲ့ပါတယ်။
အလားတူ ၈ နာရီ ၁၇ မိနစ်တွင်လည်း မင်းရပ်တိုက်နယ်ရှိ မင်းရပ်ရွာနဲ့ သံချောင်းရွာအနီးကို လေကြောင်းမှ ဗုံးကြဲတိုက်ခိုက်ခဲ့ပြီး ဇင်ချောင်းကမ်းခြေတွင် နေရာယူထားတဲ့ စစ်သင်္ဘော ၂ စီးကနေလည်း ၈ နာရီ ၂၅ မိနစ်တွင် လက်နက်ကြီးတွေနဲ့ ပစ်ခတ်ခဲ့တယ်လို့ သိရပါတယ်။
စစ်ကော်မရှင်ဟာ ရက္ခိုင်ပြည် ကျောက်ဖြူမြို့နယ် ကျောက်ကလေကျေးရွာကိုလည်း နေ့လည် ၁၂ နာရီ ၃၅ မိနစ်ခန့်က လေကြောင်းကနေ ပေါင် ၅၀၀ ဗုံး ၂ လုံး ကြဲချခဲ့ပါတယ်။
ထပ်မံပြီး ကျောက်ဖြူမြို့နယ် မင်းရပ်တိုက်နယ် လိပ်တင်ကျေးရွာကို နေ့လည် ၁၂ နာရီ မိနစ် ၃၀ ခန့်က လေကြောင်းကနေ ဗုံးကြဲတိုက်ခိုက်ခဲ့ပြီး နေ့လည် ၁၂ နာရီ ၄၀ ခန့်တွင်လည်း ဆူဆိုက်ဒရုန်း ၁ စီးနဲ့ လိပ်တင်စာသင်ကျောင်းကို ထပ်မံတိုက်ခိုက်ခဲ့ပါတယ်။
“ စာသင်ကျောင်းမှာ စာသင်ကြားနေတဲ့ ကျောင်းသား ကျောင်းသူများကို အချိန်မှီ ရွှေ့ပြောင်းနိုင်ခဲ့လို့ အသက်သေဆုံး ဒဏ်ရာရရှိမှု မရှိခဲ့ဘူး” လို့ အာရက္ခတပ်တော်က ဆိုပါတယ်။
အာရက္ခတပ်တော်အနေနဲ့ စစ်ရှုံး ဖက်ဆစ်အကြမ်းဖက် စစ်ကော်မရှင်ဟာ ကျောက်ဖြူမြို့နယ်ရှိ ကျေးရွာများကို လေကြောင်းတိုက်ခိုက်မှုတွေ ဆက်တိုက်ပြုလုပ်လာတာကြောင့် လေကြောင်းရန်ကို ပိုမို သတိထားကြရန် ထပ်မံ အသိပေး တိုက်တွန်းထားပါတယ်။
3 comments