အာရက္ခတိုင်းမ်စ် (၇ ဇန်နဝါရီ ၂၀၂၆)
အာရက္ခတပ်တော်အနေနဲ့ စစ်မျက်နှာ ၅ ခု ကနေပြီး စစ်ကော်မရှင်ကို အရှိန်မြှင့် တိုက်ခိုက်လျက်ရှိပြီး တိုက်ပွဲမှာလည်း ပြင်းထန်နေတယ်လို့ သိရပါတယ်။
ရက္ခိုင်ပြည်က စစ်တွေနဲ့ ကျောက်ဖြူမြို့၊ မကွေး၊ ပဲခူးနဲ့ ဧရာဝတီတိုင်းထဲက ရက္ခိုင်ပြည် နယ်စပ်ဒေသ ၃ခုမှာ တိုက်ပွဲတွေ ပြင်းထန်နေတာလည်း ဖြစ်ပါတယ်။
၆၆၆ ပွိုင့်ကုန်းဟာ ပန်းတောင်းမြို့နယ်၊ပုဂံဂွေ့ (ပန်းကန်ကွဲ) ရွာတောင်ဘက်၊ ၉ ကီလိုမီတာအကွာမှာ ရှိပြီး ပြီးခဲ့တဲ့အောက်တိုဘာလမှာ AAနဲ့ မဟာမိတ်တွေက သိမ်းယူထားတာလည်း ဖြစ်ပါတယ်။
ရက္ခိုင်ပြည်နဲ့ ပဲခူးတိုင်းအစပ်ဖြစ်တဲ့ပန်းတောင်းမြို့နယ်ထဲမှာ ဇန်နဝါရီလ၄ရက်နေ့က ဖြစ်ပွားခဲ့တဲ့ တိုက်ပွဲအတွင်း အမှတ်(၁၀) စစ်ဆင်ရေးကွပ်ကဲမှုဌာနချုပ် (စကခ-၁၀) စကခမှူးဗိုလ်မှူးကြီးဟန်လင်းအောင် သေဆုံးသွားတယ်လို့လည်း သိရပါတယ်။
ဗိုလ်မှူးကြီးဟန်လင်းအောင်ဟာ စစ်တက္ကသိုလ် (DSA) အပါတ်စဥ် ၄၃ ကျောင်းဆင်း ဖြစ်ပြီး စကခ (၁၀) တပ်မမှူးလည်း ဖြစ်ပါတယ်။
အလားတူ ရက္ခိုင်ပြည်နဲဲ့ မကွေးတိုင်းနယ်စပ်ဖြစ်တဲ့ အမ်း-ပဒါန်းလမ်းပိုင်းအနီးက နတ်ရေကန်ဗျူဟာကုန်းအနီးမှာလည်း တိုက်ပွဲတွေ ဆက်လက် ပြင်းထန်နေပါတယ်။
ထို့နောက် ရက္ခိုင်ပြည်နဲ့ ဧရာဝတီတိုင်းနယ်စပ်ဖြစ်တဲ့ လေးမျက်နှာမြို့နယ်၊ သာပေါင်းမြို့နယ်ဘက်မှာလည်း တိုက်ပွဲတွေ ဆက်လက်ဖြစ်ပွားနေပြီး လေးမျက်နှာမြို့နယ်အတွင်းမှာ ဇန်နဝါရီ ၆ ရက်တွင် တိုက်ပွဲအပြင်းအထန် ဖြစ်နေပြီး စစ်ကော်မရှင်ရဲ့လက်နက်ကြီး ပစ်ခတ်သံတွေကို အနီးပတ်ဝန်းကျင်မြို့တွေကနေ ကြားနေရတယ်လို့ ဒေသခံတွေက ပြောပါတယ်။
အာရက္ခတပ်တော်အနေနဲ့ ရက္ခိုင်ပြည်အတွင်းက ကျောက်ဖြူနဲ့ စစ်တွေမြို့တွေမှာလည်း စစ်ရေးအရှိန် မြှင့်တင်နေတယ်လို့ သိရပါတယ်။
စစ်ရေးအရ ရှုံးနိမ့်နေတဲ့ စစ်ကော်မရှင်ရဲ့လေကြောင်းအန္တရာယ်၊ လက်နက်ကြီးအန္တရာယ်နဲ့ ပင်လယ်ပြင်ရှိ ရေတပ်သင်္ဘောတွေကနေ ပစ်ခတ်မှုတွေကို သတိပြုကြဖို့ AA က သတိပေးချက် ထုတ်ပြန်ထားပါတယ်။
1 comment
заклепки вытяжные 6.4 заклепка вытяжная