အာရက္ခတိုင်းမ်စ် (၁၅ ဇန်နဝါရီ ၂၀၂၆)
ပလက်ဝခရိုင်အတွင်းရှိ ပလက်ဝနဲ့ ဆမီးမြို့နယ်တွေမှာ မွေးကင်းစ ၂ လသားအရွယ်ကနေ ၅ နှစ်အရွယ်ထိ ကလေးငယ်တွေကို အာရက္ခပြည်သူ့ကျန်းမာရေးဌာနက တတိယအကြိမ် ကာကွယ်ဆေး အခမဲ့ ထိုးပေးနေတယ်လို့ သိရပါတယ်။
အဆိုပါ ကာကွယ်ဆေးကို ဇန်နဝါရီလ ၁၅ ရက်ကနေ ၁၇ ရက်အထိ အာရက္ခပြည်သူ့တော်လှန်ရေးအစိုးရ အာရက္ခပြည်သူ့ကျန်းမာရေးဌာနမှ တတိယအကြိမ် အခမဲ့ ဆေးထိုးပေးနေတာလည်း ဖြစ်ပါတယ်။
ကာကွယ်ဆေးကို မွေးကင်းစ ၂ လသားအရွယ်ကနေ ၃ နှစ်အရွယ်အထိ ပထမအကြိမ် ထိုးပေးခဲ့ပြီး ဒုတိယအကြိမ်အဖြစ် ကာကွယ်ဆေးကိုတော့ မွေးကင်းစ ၂ လသားအရွယ်ကနေ ၅ နှစ်အရွယ်အထိ ထိုးပေးနေတာလည်း ဖြစ်ပါတယ်။ အလားတူ တတိယအကြိမ်မှာလည်း မွေးကင်းစ ၂ လသားအရွယ်ကနေ ၅ နှစ်အရွယ်အထိ ထိုးပေးနေတာလည်း ဖြစ်ပါတယ်။
အဆိုပါ ကာကွယ်ဆေးတွင် ဆုံဆို့၊ ကြက်ညှာ၊ မေးခိုင်ကာကွယ်ဆေး(DPT)၊ ပိုလီယိုရောဂါကာကွယ်ဆေး (OPV)၊ ပြင်းထန်ဝမ်းပျက်ဝမ်းလျှော၊ အသဲရောင်အသားဝါ၊ ရေကျောက်၊ ဦးနှောက်အမဲပါးရောင်စတဲ့ ရောဂါကာကွယ်ဆေးတွေ ပါဝင်တယ်လို့ သိရပါတယ်။
312 comments