အာရက္ခတိုင်းမ်စ် (၂၆ ဇန်နဝါရီ ၂၀၂၆)
ရက္ခိုပြည်၊ မြောက်ဦးခရိုင်အတွင်း မီးဘေးအန္တရာယ် ကြိုတင်ကာကွယ်ရေးအတွက် အာရက္ခပြည်သူ့တော်လှန်ရေးအစိုးရ မီးသတ်ဌာနက ဇန်နဝါရီလ ၂၅ ရက်မှာ ပညာပေး လေ့ကျင့် သရုပ်ပြ မီးသတ်မှုများ ပြုလုပ်ခဲ့တယ်လို့ သိရပါတယ်။
အာရက္ခတပ်တော် (AA) အနေနဲ့ ရက္ခိုင်ပြည်က လွတ်မြောက်နယ်မြေတွေမှာ မီးဘေးအန္တရာယ် ကြိုတင်ကာကွယ်ရေးဆိုင်ရာ သတိ ပေးချက်များနဲ့ လိုက်နာဆောင်ရွက်ရမယ့် ကိစ္စတွေကို လုပ်ဆောင်ပေးနေတာလည်း ဖြစ်ပါတယ်။
“ မီးဆိုတာမျိုးကတော့ မလောင်ခင်မှာ တားတာ အကောင်းဆုံးပါပဲ။ နွေရာသီတောင် မရောက်သေးဘူး။ မီးလောင်ပြီးတော့ ဆုံးရှုံးမှုတွေက ဖြစ်နေပြီ။ အခုလို ကြိုတင်ကာကွယ်ဖို့ နည်းလမ်းတွေ သိထားတာတော့ ကောင်းတာပေါ့” လို့ မြောက်ဦးဒေသခံတဦးက အာရက္ခတိုင်းမ်စ်ကို ပြောပါတယ်။
အာရက္ခပြည်သူ့တော်လှန်ရေးအစိုးရ မီးသတ်ဌာနအနေနဲ့ မီးဘေး အန္တရာယ်ကာကွယ်ရေးအတွက် လက်ကမ်းစာစောင်ဖြန့်ဝေခြင်း၊ မီး ဘေးအန္တရာယ်သတိပေးဆိုင်းဘုတ်များ စိုက်ထူခြင်းနဲ့အတူ မြောက်ဦးခရိုင်အတွင်းရှိ ရပ်ရွာများတွင် မီးဘေးအန္တရာယ်ကြိုတင်ကာကွယ် ရေးဆိုင်ရာ လုပ်ဆောင်ရမယ့်အချက်များကို ပြည်သူများ လိုက်နာမှု ရှိ/ မရှိ လိုက်လံစစ်ဆေးနေတယ်လို့လည်း သိရပါတယ်။
