အာရက္ခတိုင်းမ်စ် (၁၂ မတ် ၂၀၂၆)
ရက္ခိုင်ပြည် ကျောက်တော်မြို့နယ်ကို ဒီကနေ့ည ၁၀ နာရီ ဝန်းကျင်မှာ စစ်ကော်မရှင်က လေယာဉ်နဲ့ ဗုံး ၂ လုံး ကြဲချခဲ့တယ်လို့ သိရပါတယ်။
“ လောလောဆယ်တော့ ကစ္စပနဒီတံတားနဲ့ ကျောက်တော်တောင် အနီးဝန်းကျင်ကိုကျတယ်။ အသေ အပျောက် မသိရသေးဘူး” လို့ ကျောက်တော်မြို့နယ်ဒေသခံတဦးက အာရက္ခတိုင်းမ်စ်ကို ပြောပါတယ်။
အဆိုပါ စစ်ကော်မရှင်ရဲ့ လေကြောင်း ဗုံးကြဲမှုကြောင့် ကျောက်တော်တောင်အနီးမှာ မီးလောင်မှုတွေ ဖြစ်ပွားနေတယ်လို့လည်း သိရပါတယ်။
ဆက်လက်ပြီး အသေးစိတ်သတင်းကို တင်ဆက်ပေးပါမယ်။
