အာရက္ခတိုင်းမ်စ် (၁၂ မေ ၂၀၂၆)
ရက္ခိုင်ပြည် မင်းပြားမြို့နယ် ကမ်းနီရွာတွင် မေလ ၈ ရက်က မိခင်တဦးက ကလေး ၃ မွှာပူး မွေးဖွားခဲ့တယ်လို့ ဒေသခံတွေထံမှ သိရပါတယ်။
အဆိုပါ ကလေး ၃ မွှာပူးကို ရက္ခိုင်ပြည် မင်းပြားမြို့နယ် ကမ်းနီရွာနေ အသက် ၄၀ အရွယ် ဖခင် ဦးမောင်ယေချေ နဲ့ အသက် ၃၀ အရွယ် မိခင်ဖြစ်သူ ဒေါ်အေးအေးငြိမ်း တို့က မွေးဖွားခဲ့တာလည်း ဖြစ်ပါတယ်။
“နေ့လည်မှာ စပြီးမီးဖွားတာ၊ ၁ နာရီလောက်ပေါ့ ပထမဆုံး ယောင်္ကျားလေး မွေးတယ်။ နောက်ပြီး ည ၁၀ နာရီ ခွဲလောက်မှာ ၂ မိနစ်ခွဲပြီး နောက်ထပ် ယောင်္ကျားလေး ၁ ယောက်နဲ့ မိန်းကလေး ၁ ယောက် ထပ်မွေးတယ်” လို့ မင်းပြားမြို့နယ်ဒေသခံတဦးက အာရက္ခတိုင်းမ်စ်ကို ပြောပါတယ်။
ကလေး ၃ ယောက်လုံးနဲ့ မိခင်ဖြစ်သူပါ ကျန်းမာရေး ကောင်းမွန်တယ်လို့လည်း ဒေသခံတွေက ဆိုပါတယ်။
ကလေး ၃ မွှာပူး မွေးဖွားခဲ့တဲ့ မိသားစုကို ရက္ခိုင်အမျိုးသားအဖွဲ့ချုပ် (ULA) က ငွေကျပ် ၁၀ သိန်း လာရောက် ထောက်ပံ့ပေးခဲ့တယ်လို့လည်း သိရပါတယ်။
Photo – APM
200 comments