အာရက္ခတိုင်းမ်စ် (၁၀ အောက်တိုဘာ ၂၀၂၆)
ပြည်သူတွေကို ပစ်မှတ်ထားပြီး လေကြောင်းကနေ ဗုံးကြဲတိုက်ခိုက်နေတာဟာ စစ်ကောင်စီရဲ့ ဗြောင်ကျကျ စစ်ရာဇဝတ်မှု ကျူးလွန်နေခြင်းပဲ ဖြစ်တယ်လို့ SCEF နဲ့ ULA/AA ထောက်ပြလိုက်ပါတယ်။
ဒီလုပ်ရပ်တွေဟာ နိုင်ငံအတွင်း လူသားချင်းစာနာထောက်ထားမှုဆိုင်ရာ အကျပ်အတည်းတွေကို ပိုမိုဆိုးရွားလာစေပြီး ဖက်ဒရယ်ဒီမိုကရေစီပြည်ထောင်စုပေါ်ထွန်းရေးဦးဆောင်ကောင်စီ (SCEF) နဲ့ ရက္ခိုင်အမျိုးသားအဖွဲ့ချုပ်/အာရက္ခတပ်တော် (ULA/AA) တို့ အောက်တိုဘာလ ၈ ရက်က ပြုလုပ်ခဲ့တဲ ဒုတိယအကြိမ် အွန်လိုင်းဆွေးနွေးပွဲမှာ ဆွေးနွေးခဲ့တာလည်း ဖြစ်ပါတယ်။
အဆိုပါ အစည်းအဝေးကို SCEF အလှည့်ကျ သဘာပတိ ခူဦးရယ်၊ NUG နိုင်ငံတော်ယာယီသမ္မတ ဒူဝါလရှီးလ နဲ့ ULA/AA ဒု-ဥက္ကဋ္ဌ (၁) ဒေါက်တာညိုထွန်းအောင်တို့ အပါအဝင် ထိပ်ပိုင်းခေါင်းဆောင်များ တက်ရောက်ခဲ့ကြပါတယ်။
နှစ်ဖက်ခေါင်းဆောင်များအနေနဲ့ ရက္ခိုင်ပြည်အတွင်း လက်ရှိဖြစ်ပွားနေတဲ့ စစ်ရေးအခြေအနေများ၊ ဒေသခံပြည်သူများ ကြုံတွေ့နေရတဲ့ လူသားချင်းစာနာမှုဆိုင်ရာ လိုအပ်ချက်များနဲ့ ရှေ့ဆက် ပူးပေါင်းဆောင်ရွက်မယ့် ကိစ္စရပ်များကို ရင်းနှီးပွင့်လင်းစွာ အမြင်ချင်း ဖလှယ်ခဲ့ကြတယ်လို့ သိရပါတယ်။
