အာရက္ခတိုင်းမ်စ် (၅ နိုဝင်ဘာ ၂၀၂၆)
အာရက္ခပြည်သူ့တော်လှန်ရေးအစိုးရရဲ့ ငါးလုပ်ငန်းနဲ့ ရေသယံဇာတများ စီမံခန့်ခွဲရေးဌာနက လစ်လပ်နေတဲ့ ဝန်ထမ်းနေရာတွေအတွက် အလုပ်လျှောက်လွှာတွေကို နိုဝင်ဘာလ ၄ ရက်ကစပြီး တရားဝင်ခေါ်ယူနေကြောင်း သိရပါတယ်။
ခေါ်ယူတဲ့ နေရာတွေက ငါးသားပေါက်မွေးမြူရေးစခန်းအတွက် မူလတန်းအဆင့်ရှိသူ ၁၉ ဦးနဲ့ ရုံးအကူ/အလုပ်သင်အတွက် အထက်တန်းအဆင့်ရှိသူ ၂၅ ဦး၊ စုစုပေါင်း ၄၄ ဦး ဖြစ်ပါတယ်။
ဝန်ထမ်းခေါ်ယူမှုဆိုင်ရာ စည်းကမ်းချက်တွေအရ လျှောက်ထားသူတွေက ဌာနမှာ အနည်းဆုံး ၃ နှစ် တာဝန်ထမ်းဆောင်နိုင်သူ၊ ရက္ခိုင်ပြည်အတွင်း ဘယ်ဒေသကိုမဆို သွားရောက် တာဝန်ထမ်းဆောင်နိုင်သူ ဖြစ်ရပါမယ်။
ဌာနက ဦးဆောင်ကျင်းပတဲ့ သင်တန်းတွေ တက်ရောက်နိုင်ရမှာဖြစ်ပြီး လိုအပ်ရင် NDEP သင်တန်းကိုလည်း တက်ရောက်နိုင်သူ ဖြစ်ရမယ်လို့ ဖော်ပြထားပါတယ်။
လျှောက်လွှာပုံစံတွေကို နီးစပ်ရာ ငါးလုပ်ငန်းနဲ့ ရေသယံဇာတစီမံခန့်ခွဲရေးဌာနရုံးတွေ၊ အုပ်ချုပ်ရေးရုံးတွေမှာ ထုတ်ယူနိုင်ပြီး နိုဝင်ဘာလ ၁၄ ရက်ကို နောက်ဆုံးထားပြီး ပေးပို့ လျှောက်ထားရမယ်လို့ သိရပါတယ်။
