Category : News

အာရက္ခတိုင်းမ်စ် (၂၀ ဖေဖော်ဝါရီ ၂၀၂၆) ဗမာအမျိုးသားတော်လှန်ရေးတပ်မတော် (BNRA) အဖွဲ့ခေါင်းဆောင် ဗိုလ်နဂါးနဲ့ မိသားစုဝင်တွေ စစ်အုပ်စုထံ လက်နက်ချအလင်းသွားပြီးနောက် စစ်အာဏာရှင်ကိုတိုက်နေတဲ့ အဖွဲ့အချင်းချင်း ပဋိပက္ခ မဖြစ်ဖို့လိုတယ်လို့ တရုတ်-မြန်မာအရေးလေ့လာသုံးသပ်သူ ဒေါက်တာလှကျော်ဇောက အာရက္ခတိုင်းမ်စ်ကို ပြောပါတယ်။ တော်လှန်ရေးတစ်ရပ်မှာ အခုလိုမျိုး အလင်းဝင်၊ လက်နက်ချတဲ့ ကိစ္စရပ်တွေဟာ ဖြစ်နေကြ၊ ရှိနေကြ...

အာရက္ခတိုင်းမ်စ် (၁၉ ဖေဖော်ဝါရီ ၂၀၂၆) ပဲခူးတိုင်း၊ ပန်းတောင်းမြို့နယ်ရှိ အမှတ် (၁၆) ကာကွယ်ရေးပစ္စည်းစက်ရုံအနီး ဖြစ်ပွားနေတဲ့ တိုက်ပွဲနေရာကို စစ်ကော်မှရှင်က တပ်သားအင်အား ၄၀၀ ကျော် ဖြည့်တင်းနေပြီး ဗုံးကြဲမှုကြောင့် တောတောင်များတွင် တောမီးများလောင်ကျွမ်းနေတယ်လို့ သိရပါတယ်။ “ ကားတန်းက တော်တော်ရှည်တယ်။ ၁၅ စီး အစီး ၂၀ လောက်ရှိတယ်။ ခန့်မှန်း တစီးမှာ လူ ၂၀ ပဲ ပါအုန်းလေ၊ အနည်းဆုံး ၃၀၀ နဲ့ ၄၀၀ ကြားပဲ”  လို့ စစ်ရေးသတင်းရင်းမြစ်တဦးက အာရက္ခတိုင်’မ်စ်ကို ပြောပါတယ်။ ပဲခူးတိုင်း၊ ပန်းတောင်းမြို့နယ်ရှိ စစ်ကော်မရှင်ရဲ့ အမှတ် (၁၆) ကာကွယ်​ရေးပစ္စည်းထုတ်စက်ရုံကို နေပြည်တော်စစ်ရုံးကနေ ကုန်ထုတ်လုပ်မှု ရပ်ခိုင်းလိုက်ပြီး အသေခံ ခုခံတိုက်ခိုက်ရန် စစ်စခန်း ပြင်ဆင်ခိုင်းထားတာလည်း ဖြစ်ပါတယ်။ “ အခုက လက်နက်ကြီးနဲ့ တောက်လျောက်ကို ပစ်နေတာ၊ အဓိက ပစ်နေတဲ့နေရာကတော့ ပွိုင့် ၂၈၈ ကပေါ့။ အဲဒီစခန်း တောင်ကုန်းပေါ်ကနေ ပစ်နေတာ။ အဲဒီစခန်းက ကပစ ၁၆ နဲ့ အနီးဆုံးပဲ”  လို့ သူက အာရက္ခတိုင်းမ်စ်ကို ထပ်မံပြောပါတယ်။ အဆိုပါ လက်နက်ကြီးတွေနဲ့ ပစ်ခတ်တာကြောင့် သစ်ပင်ကြီးငယ်များအပါအဝင် တောမီးလောင်ကျွမ်းနေတယ်လို့လည်း သိရပါတယ်။ ကပစ ၁၅ အနီးတွင် ကာကင်းစခန်းတွေဖြစ်တဲ့ ပွိုင့် (၃၅၃)၊ ပွိုင့် (၂၈၈) နဲ့ ပွိုင့် (၅၀၆) စခန်းကုန်းတို့ ကျန်ရှိနေတာလည်း ဖြစ်ပါတယ်။ စစ်ကော်မရှင်ရဲ့ ကပစ ၁၆ ဟာ ကာကွယ်ရေးပစ္စည်းထုတ်လုပ်ရေး အရာရှိချုပ်ရုံး လက်အောက်ခံ ကပစ တွေထဲက တခုဖြစ်ပြီး စစ်ဗျူဟာအရ အရေးပါတဲ့ လက်နက်ခဲယမ်း ထုတ်လုပ်ရေးစက်ရုံ တခုလည်း ဖြစ်ပါတယ်။ ပန်းတောင်းမြို့နယ်ရှိ စစ်ကော်မရှင်ရဲ့ အမှတ် (၁၆) ကာကွယ်​ရေးပစ္စည်းထုတ်စက်ရုံဟာ ဧရာဝတီမြစ် အနောက်ဘက်ကမ်းမှာရှိပြီး ရက္ခိုင်ပြည်နဲ့ ပဲခူးတိုင်းအစပ်မှာ တည်ရှိတာကြောင့် AA နဲ့ ပူးပေါင်းမဟာမိတ်တပ်တွေအတွက် ရက္ခိုင်ကနေ အလယ်ပိုင်းကို ထိုးဖောက်ဖို့ လမ်းကြောင်းသစ်တခု ဖြစ်လာနိုင်တယ်လို့လည်း စစ်ရေးလေ့လာသုံးသပ်သူတွေက ဆိုပါတယ်။ ...

အာရက္ခတိုင်းမ်စ် (၁၉ ဖေဖော်ဝါရီ ၂၀၂၆)  ရက္ခိုင်ပြည်၊ ရမ်းဗြဲမြို့နယ်၊ လေးတောင်မြို့နဲ့ အနီးဝန်းကျင်ကို အကြမ်းဖက် စစ်ကော်မရှင်တပ်က ဒီကနေ့ နံနက် ၁၀ နာရီခွဲအချိန်ခန့်က လေးတောင်မြို့နဲ့ အနီးဝန်းကျင်ကို ဗုံးကြဲတိုက်ခိုက်ခဲ့တယ်လို့ သိရပါတယ်။  ထိုသို့ ဗုံးကြဲတိုက်ခိုက်မှုကြောင့် အရပ်သားပြည်သူ နှစ်ဦး သေဆုံးသွားပြီးတော့ နှစ်ဦး ထိခိုက်ဒဏ်ရာ ရရှိသွားတယ်လို့ ကနဦး သိရပါတယ်။  စကမတပ်ဟာ သရက်ချိုကျေးရွာမှ ရဲစခန်းဟောင်းနဲ့ စျေးကိုလည်း ဗုံးကြဲတိုက်ခိုက်ခဲ့တယ်လို့ ဒေသခံတွေက ဆိုပါတယ်။  အဆိုပါ ဗုံးကြဲမှုနဲ့ ပတ်သက်ပြီး သတင်းအသေးစိပ်ကို ဆက်လက် စုံစမ်းနေဆဲ ဖြစ်ပါတယ်။  မနေ့ကလည်း ကျောက်ဖြူမြို့နယ်၊ မိကျောင်းရေသောက်ကျေးရွာကို အကြမ်းဖက် စစ်တပ်က ဗုံးကြဲလို့ အမျိုးသမီး နှစ်ဦး သေဆုံးသွားခဲ့ပါတယ်။  ဒါ့အပြင် ပုဏ္ဏားကျွန်းမြို့နယ်နဲ့ ကျောက်တော်မြို့နယ်ကြား၊ ချောင်းတူရွာအနီး စစ်သုံ့ပန်း အကျဉ်းစခန်းထားရှိခဲ့တဲ့ နေရာအနီးတဝိုက်ကို အကြမ်းဖက် စစ်ကော်မရှင်တပ်က ယမန်နေ့က ထပ်မံဗုံးကြဲခဲ့တယ်လို့ သိရပါတယ်။  ပြီးခဲ့တဲ့ ဖေဖော်ဝါရီလ ၁၂ ရက်ကလည်း ကျောက်တော်နဲ့ မြောက်ဦးမြို့တို့ကို ဗုံးကြဲခဲ့မှုကြောင့် လသားကလေးငယ် တဦးအပါအဝင် အရပ်သား ၇ ဦးနဲ့ သေဆုံးခဲ့ရပါတယ်။...

အာရက္ခတိုင်းမ်စ် (၁၉ ဖေဖော်ဝါရီ ၂၀၂၆) ကချင်လွတ်လပ်ရေးအဖွဲ့ (KIO) ဟာ သူ့ရဲ့ လုံခြုံရေးအတွက် ရက္ခိုင်၊ ချင်း၊ စစ်ကိုင်းတို့နဲ့ ဆက်ဆံရေးကို ခိုင်မာစွာ တည်ဆောက်မှာပဲလို့ နိုင်ငံရေးလေ့လာသုံးသပ်သူ ဦးခွန်းဆိုင်က အာရက္ခတိုင်းမ်စ်ကို ပြောပါတယ်။ “KIO ရဲ့သေနင်္ဂဗျူဟာကို ကြည့်မယ်ဆိုရင် ဘယ်နည်းနဲ့မဆို တဖက်က တရုတ်နဲ့ဆက်ဆံရေးကို ထိန်းသိမ်းထားသလို...

အာရက္ခတိုင်းမ်စ် (၁၈ ဖေဖော်ဝါရီ ၂၀၂၆) ရက္ခိုင်ပြည် လွတ်မြောက်နယ်မြေရှိ နို့စို့အရွယ်ကလေးများ နို့မှုန့်အာဟာရပြည့်ဝစေရန် လုလုအောင်က သိန်း ၃၀ လှူဒါန်းခဲ့တယ်လို့ သိရပါတယ်။ အဆိုပါ အလှူငွေ သိန်း ၃၀ ကို နို့စို့အရွယ်ကလေးများ နို့မှုန့်အာဟာရပြည့်ဝစေရေးအတွက် ကူညီပေးနေတဲ့ အရွယ်စုံ Arakanese Ladies ထံ လှူဒါန်းခဲ့တာလည်း ဖြစ်ပါတယ်။ “ အလှူရှင် မလုလုအောင် မိသားစု ကောင်းကျိုးလိုရာဆန္ဒမှန်သမျှ ပြည့်ဝပြီး စိတ်ရှိတိုင်း လက်မှာရပါစေ၊ ဆန္ဒနဲ့ဘဝ တထပ်တည်းကျပါစေ။ လိုအင်ဆန္ဒမှန်သမျှ ပြည့်စုံပြီး အလုပ်အကိုင်အဆင်ပြေ၍ စီးပွါးတိုးတက်ပါစေ။ နောက်လဲ လှူဒါန်းမှုတွေ အများကြီးလုပ်နိုင်ပါစေ”  လို့ အရွယ်စုံ Arakanese Ladies ဆိုပါတယ်။ အလှူအမှတ်စဉ် ၃၃၀ အနေနဲ့ လုလုအောင် က အရွယ်စုံ Arakanese Ladies ထံ လှူဒါန်းခဲ့တာပါ။ “ သာလီစွပါ တမြေထဲက သွေးချင်းမောင်နှမတွေတွက် ခေးကြီးရဲ့ မေတ္တာရေကြည်တပေါက်”  လို့ လုလုအောင်က သူမရဲ့ လူမှုကွန်ရက်စာမျက်နှာမှာ ဖော်ပြရေးသားထားပါတယ်။...

အာရက္ခတိုင်းမ်စ် (၁၈ ဖေဖော်ဝါရီ ၂၀၂၆)  ရက္ခိုင်ပြည် ပုဏ္ဏားကျွန်းမြို့နယ်နဲ့ ကျောက်တော်မြို့နယ်ကြား၊ ချောင်းတူရွာအနီး စစ်သုံ့ပန်း အကျဉ်းစခန်းထားရှိခဲ့တဲ့နေရာ အနီးတဝိုက်ကို အကြမ်းဖက် စစ်ကော်မရှင်တပ်က ထပ်မံဗုံးကြဲခဲ့တယ်လို့ သိရပါတယ်။  စစ်ကော်မရှင်တပ်ဟာ ဖေဖော်ဝါရီလ ၁၇ ရက် ညနေ ၉ နာရီ ဝန်းကျင်နဲ့ ဖေဖော်ဝါရီလ ၁၈ ရက် နံနက် ၉ နာရီကျော် အချိန်မှာ ကျောက်တော်မြို့နယ်၊ ချောင်းတူရွာအနီးဝန်ကျင်နဲ့ စစ်တွေမြို့နယ်၊ ဝါဘိုကျေးရွာတို့ကို ဗုံးကြဲခဲ့ပါတယ်။  ယနေ့ နံနက်က ဗုံးကြဲမှုဟာ ဝါဘိုကျေးရွာ စာသင်ကျောင်းမှာ ကျရောက်ပေါက်ကွဲ သွားခဲ့တယ်လို့ ဒေသခံတဦးက အာရက္ခတိုင်းမ်စ်ကို ဆိုပါတယ်။  “ချောင်းတူဖက်ကို ကြဲတာက အရင်တုန်းက ပစ်ခဲ့တဲ့ စစ်သုံ့ပန်းတွေ ရှိခဲ့တဲ့နေရာ အနီးဝန်းကျင်ကို လာကြဲတာ။ စစ်သုံ့ပန်းတွေ ရှိသေးတယ်ထင်လို့ လာကြဲတာထင်တယ်။ အဲ့အနီးက တောင်တန်းတွေကို ကြဲခဲ့တယ်။ ဒီနေ့မနက်ကတော့ ဝါဘိုရွာ စာသင်ကျောင်းကို ကြဲသွားတယ်” လို့ သူက ဆိုပါတယ်။  အကြမ်းဖက် စစ်ကော်မရှင်တပ်ဟာ ပြီးခဲ့တဲ့ ဇန်နဝါရီလ ၂၀ ရက်နေ့ကလည်း ချောင်းတူရွာအနီး အကျဉ်းစခန်းကို ဗုံးကြဲမှုကြောင့် စစ်သုံ့ပန်းများအပါအဝင် သူတို့ရဲ့ မိသားစုဝင် ၂၁ ဦးသေဆုံးသွားခဲ့ပြီး ၃၀ ဦး ဒဏ်ရာရရှိသွားခဲ့ပါတယ်။  ဒါ့အပြင် ဖေဖော်ဝါရီလ ၁၂ ရက်ကလည်း ကျောက်တော်နဲ့ မြောက်ဦးမြို့တို့ကို ဗုံးကြဲခဲ့မှုကြောင့် လသားကလေးငယ်တဦးအပါအဝင် အရပ်သား ၇ ဦးနဲ့ သေဆုံးခဲ့ရပါတယ်။...

အာရက္ခတိုင်းမ်စ် (၁၈ ဖေဖော်ဝါရီ ၂၀၂၆) ပလက်ဝခရိုင်အတွင်းရှိ ချင်းလူမျိုးတွေရဲ့ (၇၈) ကြိမ်မြောက် “ ချင်းအမျိုးသားနေ့”  အခမ်းအနားကို ကျင်းပပြုလုပ်ခဲ့တယ်လို့ သိရပါတယ်။ အဆိုပါ အခမ်းအနားကို ဖေဖော်ဝါရီလ ၁၇ ရက် ညနေပိုင်းက အာရက္ခတပ်တော် ထိန်းချုပ်​နယ်မြေတနေရာမှာ ပြုလုပ်ခဲ့တာလည်း ဖြစ်ပါတယ်။ (၇၈) ကြိမ်မြောက် “ ချင်းအမျိုးသားနေ့”  အခမ်းအနားတွင် ရက္ခိုင်အမျိုးသားအဖွဲ့ချုပ် (ULA) က ဂုဏ်ပြုသဝဏ်လွှာပေးပို့ပြီး ဖတ်ကြားပေးခဲ့တယ်လို့ သိရပါတယ်။ အဆိုပါ အခမ်းအနားကို ချင်းလူမျိုးတွေ၊ ချင်းမျိုးနွယ်စု​ဝင်တွေနဲ့ ရက္ခိုင်အမျိုးသားအဖွဲ့ချုပ်/အာရက္ခတပ်တော် (ULA/AA) က တာဝန်ရှိသူတွေ၊ ခရိုင်ပါတီက အကြီးအကဲတွေနဲ့ ဌာနဆိုင်ရာ အသီးသီးက ဝန်ထမ်းတွေ တက်ရောက်ခဲ့တယ်လို့လည်း သိရပါတယ်။ အာရက္ခတပ်တော်က ပေးပို့တဲ့ သဝဏ်လွှာမှာ ချင်းလူမျိုး၊ ချင်းမျိုးနွယ်စုတွေအနေနဲ့ အမျိုးသားတန်းတူအခွင့်ရေးနဲ့ အာရက္ခတိုင်းပြည်တည်ဆောက်ရေးနဲ့​ ဒေသဖွံ့ဖြိုးရေးကဏ္ဍတွေမှာ အတူတကွ ပါဝင်တည်ဆောက်ကြဖို့ကိုလည်း ဖော်ပြပါရှိပါတယ်။ Ref & Photo – We Love Paletwa...

အာရက္ခတိုင်းမ်စ် (၁၈ ဖေဖော်ဝါရီ ၂၀၂၆) ရက္ခိုင်ပြည် မောင်တောမြို့နယ် မောင်တောမြို့နဲ့ ဘော်တူလာရွာကြားရှိ တံတားငယ် ၁၀ စင်းကျော်ကို အာရက္ခပြည်သူ့တော်လှန်ရေးအစိုးရ စည်ပင်သာယာရေးဌာနက ပြန်လည်ပြုပြင်ပေးနေတယ်လို့ သိရပါတယ်။ အလားတူ မောင်တောမြို့နယ်မြောက်ပိုင်းရှိ ပျက်စီးနေတဲ့ လမ်းများကိုလည်း ပြုပြင်ပေးနေတယ်လို့လည်း သိရပါတယ်။ “ မောင်တောနဲ့ ဘောတူလာရွာအထိဆိုရင် မိုင်အားဖြင့် ၄၀ ကျော်တယ်။ အဲလမ်းမှာ မြစ်လက်တက်တွေကို ဖြတ်ထိုးထားတဲ့ တံတားပေါင်း ၁၀ စင်းကျော် ရှိပါတယ်။ အဲဒါတွေကို ပြန်လည်ပြုပြင်ပေးနေတာ”  လို့ မောင်တောမြို့ဒေသခံတဦးက အာရက္ခတိုင်းမ်စ်ကို ပြောပါတယ်။ အာရက္ခပြည်သူ့တော်လှန်ရေးအစိုးရ စည်ပင်သာယာရေးဌာနက ဖေဖော်ဝါရီလဆန်းကစတင်ကာ မောင်တောမြို့နယ် မြောက်ပိုင်းရှိ လမ်းနဲ့ တံတားတွေကို စတင်ပြုပြင်ပေးနေတာလည်း ဖြစ်ပါတယ်။ “ အခုတွေ့နေရတာကတော့ ဖားဝပ်ချောင်းရွာနားက လမ်းမကြီးကို ကတ္တာရာတွေ ပြန်လောင်းပေးနေတယ်။  ပြီးတော့ အောင်ချမ်းသာတံတားကိုတော့ သစ်သားတွေအစား သံပြားတွေနဲ့ အစားထိုး ပြုပြင်နေတာကို တွေ့နေရတယ်”  လို့ သူက အာရက္ခတိုင်းမ်စ်ကို ထပ်မံပြောပါတယ်။ စစ်ရေးအရ ရှုံးနိမ့်သွားတဲ့ စစ်ကော်မရှင်ဟာ ရက္ခိုင်ပြည်က မစွန့်ခွာခင်တွင် တံတားများကို မိုင်းခွဲဖျက်စီးခြင်း၊ မြေမြှုပ်မိုင်းများ ထောင်ထားခဲ့ခြင်းများ ပြုလုပ်ခဲ့လို့ ပျက်စီးနေတဲ့ တံတားများကို ပြန်လည်ပြုပြင်နေရတာလည်း ဖြစ်ပါတယ်။...

အာရက္ခတိုင်းမ်စ် (၁၈ ဖေဖော်ဝါရီ ၂၀၂၆) ရက္ခိုင်ပြည် မောင်တောမြို့နယ်၊ ကျောက်ပန္ဒူကမ်းခြီရှိ ရာမတောင်တွင် ပြုလုပ်တဲ့ ဟိန္ဒူဘာသာဝင်များရဲ့ (၇၅) ကြိမ်မြောက်  သျှီဝရာသ်ရီး ဘုရားရေချိုးပွဲကို  ဖေဖော်ဝါရီလ (၁၆) ရက်က ကျင်းပပြုလုပ်ခဲ့တယ်လို့ သိရပါတယ်။ ဟိန္ဒူဘာသာဝင်များအပါအဝင် ကမ္ဘာသူ၊ ကမ္ဘာသားတရပ်လုံး ငြိမ်းချမ်း၊ ပျော်ရွှင်မှုတွေ ရရှိစေရန် ရည်ရွယ်ပြီး ဖေဖော်ဝါရီလ (၁၅) ရက် ရောက်တိုင်း ဟိန္ဒူဘာသာဝင်များအနေနဲ့ သျှီဝရာသ်ရီး ဘုရားကို နွားနိုရည်များဖြင့် (၂) ရက်တိုင်တိုင် ဘုရားရေချိုး ဆုတောင်းပွဲများ ပြုလုပ်လေ့ရှိတယ်လို့ သိရပါတယ်။ အဆိုပါ ဘုရားရေချိုးပွဲကို အနယ်နယ်အရပ်ရပ်က ဟိန္ဒူဘာသာဝင်များ လာရောက် ဆုတောင်းပြီး ဘုရားပွဲရောက်ရှိသူများအနေနဲ့ ဥပုဒ်စောင့်ခြင်း၊ သတ်သတ်လွတ်စားခြင်း၊ မီးထွန်းဆုတောင်းခြင်း၊ပရိတ်ရွက်ဖတ်ပူဇော်ခြင်း အပါအဝင် နောက်ဆုံးတွင်   သျှီဝရာသ်ရီးဘုရားကို နွားနို့များဖြင့် ရေချိုးပူဇော်မှုများကို ဖေဖော်ဝါရီလ (၁၅) ရက်ကနေ (၁၆) ရက်အထိ (၂) ရက်တိုင်တိုင် ကျင်းပပြုလုပ်ခဲ့တာလည်း ဖြစ်ပါတယ်။ သျှီဝရာသ်ရီး ဘုရားရေချိုးပွဲကို ဟိန္ဒူဘာသာဝင် (၄ဝ၀) ခန့် လာရောက်ခဲ့ကြပြီး မိသားစုဝင်များ ၊ အိမ်ထောင်သည်များအနေနဲ့ အတူတကွ လာရောက် ရေချိုးပေးခြင်းဖြင့် အလုပ်အကိုင် အဆင်ပြေခြင်း၊ ပညာရေး၊ စီးပွားရေးများ အောင်မြင်ခြင်း စတဲ့ ကောင်းခြင်းမင်္ဂလာများဲ့့ ပြည်စုံခြင်းကြောင့် ဟိန္ဒူဘာသာဝင်များ အထွဋ်တမြတ်ထားတဲ့ ဘုရားပွဲတခုလည်း ဖြစ်ပါတယ်။ ဖေဖော်ဝါရီလ (၃) ရက်ကလည်း မောင်တောမြို့နယ် ကျောက်ပန္ဒူကမ်းခြီအတွင်း ဟိန္ဒူဘာသာဝင်များအနေနဲ့ မဟာရာမယန ဟရီနမ” ရာမ”  အသံမစဲ ပဋ္ဌာန်းပွဲတော်ကို ကျင်းပပြုလုပ်ခဲ့တယ်လို့ သိရပါတယ်။ Ref & Photo – Arakan Princess Media...