သံတွဲ ကြံ့ခိုင်ရေး နှင့် စစ်သားစုဆောင်းရေးရုံး ကို စစ်ကောင်စီ ဗုံးကျဲ၊ ကလေးတစ်ဦး ထိခိုက်ဒဏ်ရာရ
အာရက္ခတိုင်းမ်စ် (၂၅-အောက်တိုဘာ-၂၀၂၄)
ရက္ခိုင်ပြည် သံတွဲမြို့နယ်ရှိ ပြည်ထောင်စုကြံ့ခိုင်ရေး နှင့် ဖွံ့ဖြိုးရေးပါတီရုံး နဲ့ တပ်သားစုဆောင်းရေးရုံးကို စစ်ကောက်စီမှ ယမန်နေ့ (၂၄ရက်) မနက် ၄နာရီခန့်က လာရောက် ဗုံးကျဲခဲ့သဖြင့် အဆောက်အဦးများ ပျက်ဆီးသွားပြီး ကလေးငယ်တစ်ဦး ဒဏ်ရာရရှိခဲ့ကြောင်း သိရပါတယ်။
“ မနေ့က သံတွဲကို ဗုံးကျဲခံရတယ်။ မနက် ၄ နာရီမှာ၊ အံတော်ရွာထိပ်က ကြံ့ခိုင်ရေးရုံး နဲ့ စစ်သားစုဆောင်းရေးရုံးကို လာဖျက်ဆီးတာထင်တယ်။ အဆောက်အဦးတွေ ပျက်ဆီးသွားတယ်။ ကလေးတစ်ယောက်တော့ ထိခိုက်ဒဏ်ရာရသွားတယ်” လို့ သံတွဲဒေသခံတစ်ဦးက အာရက္ခတိုင်းမ်စ် ကို ပြောပါတယ်။
ယမန်နေ့ နံနက်က ၄ နာရီကျော်က စစ်ကောင်စီရဲ့ လေယာဥ်ဖြင့် နှစ်ကြိမ်တိုင်တိုင် လာရောက် ဗုံးကျဲခဲ့သဖြင့် စစ်ကောင်စီရဲ့ ရုံးနှစ်ရုံး ပျက်ဆီးခဲ့ရပြီး အံတော်ရွာအဝင်က နေအိမ်အချို့လည်း ထိခိုက်ပျက်ဆီးသွားကြောင်း သိရပါတယ်။
“ ဒီရက်ပိုင်းမှာ လေယာဥ်အန္တရာယ်ကို ပိုပြီးတော့ သတိပြုကြပါ။ အမ်းစစ်ပွဲကြောင့် ရခိုင်ဘက်ကို လေယာဥ်တွေ တောက်လျောက်လာနေပါတယ်။ အသက်ကို ညဏ်စောင့်ကြပါစေ” လို့ စာရေးဆရာ နှင့် ပရဟိတတက်ကြွသူ ဆရာဝေဟင်အောင် က သူရဲ့ လူမှုကွန်ရက်စာမျက်နှာကနေ သတိပေးထားပါတယ်။
စစ်ရေးအရ ရှုံးနိမ့်နေတဲ့ စစ်ကောင်စီဟာ လက်လွှတ်ဆုံးရှုံးခဲ့ရသော နယ်မြေများကို မကြာခဏ လေယာဥ်ဖြင့် ဗုံးလာကျဲခြင်းပြုလုပ်နေပြီး စစ်ကောင်စီရဲ့ လက်နက်ကြောင့် ဇူလိုင်၊ သြဂုတ် နှင့် စက်တင်ဘာလ ၃ လ အတွင် ပြည်သူ ၁၂၄၄ ဦး သေဆုံးခဲ့ကြောင်း ညဏ်လင်းသစ်သုတေတေအဖွဲ့က ထုတ်ပြန်ထားပါတယ်။
2 comments
Тяговые аккумуляторные https://ab-resurs.ru батареи для складской техники: погрузчики, ричтраки, электротележки, штабелеры. Новые АКБ с гарантией, помощь в подборе, совместимость с популярными моделями, доставка и сервисное сопровождение.
Мультимедийный интегратор здесь интеграция мультимедийных систем под ключ для офисов и объектов. Проектирование, поставка, монтаж и настройка аудио-видео, видеостен, LED, переговорных и конференц-залов. Гарантия и сервис.