သံတွဲမှာ စစ်ကောင်စီက လေကြောင်းတိုက်ခိုက်တာကြောင့် ပြည်သူ ၄ ဦး သေဆုံး

အာရက္ခတိုင်းမ်စ် (၈ ဇွန် ၂၀၂၅)

ရက္ခိုင်ပြည် သံတွဲမှာ စစ်ကောင်စီက လေကြောင်းကနေ ဗုံးကြဲတိုက်ခိုက်တာကြောင့် ပြည်သူ ၄ ဦး သေဆုံးပြီး ၁၀ ဦးထက်မနည်း ထိခိုက်ဒဏ်ရာရရှိခဲ့တယ်လို့ သိရပါတယ်။

မနေ့က ဇွန်လ ၇ ရက် ည ၉ နာရီဝန်းကျင်မှာ သံတွဲမြို့နယ် ကျောက်ကြီး ကျေးရွာရှိ စစ်ဘေးရှောင်တွေ ခိုလှုံနေရာ စစ်ဘေးရှောင်စခန်း နဲ့ ဘုန်းကြီးကျောင်းကို လေကြောင်းတိုက်ခိုက်မှုတွေ ပြုလုပ်ခဲ့တယ်လို့ သိရပါတယ်။

ဒါ့အပြင် သံတွဲ မြို့ပေါ်ကိုလည်း လေကြောင်းတိုက်ခိုက်မှုတွေ ပြုလုပ်ခဲ့ပြီး ထိခိုက်သေဆုံးမှုမရှိဘူးလို့ သိရှိပါတယ်။

ညီနောင်မဟာမိတ် ၃ ဖွဲ့က ဖော်ဆောင်တဲ့ ၁၀၂၇ စစ်ဆင်ရေးအတွင်း အာရက္ခတပ်တော် (AA) က ရက္ခိုင်ပြည် နဲ့ ချင်းပြည်အတွင်းရှိ မြို့နယ်အများအပြားအပါအဝင် တိုင်းစစ်ဌာနချုပ် တစ်ခုကို သိမ်းပိုက်ရရှိခဲ့ပါတယ်။

အဲဒီနောက် စစ်ကောင်စီဟာ အာရက္ခတပ်တော် သိမ်းပိုက်ထားတဲ့ မြို့နယ်တွေကို မကြာခဏ ဆိုသလို လေကြောင်းတိုက်ခိုက်မှု၊ လက်နက်ကြီး ပစ်ခတ်မှုတွေ လုပ်ဆောင်နေတယ်လို့ သိရပါတယ်။