အာရက္ခတိုင်းမ်စ် (၉ သြဂုတ် ၂၀၂၅)
ရက္ခိုင်ပြည် ကျောက်ဖြူမြို့နယ် မင်းပြင်ရွာက အထက်တန်းကျောင်းနဲ့ ဘုန်းတော်ကြီးကျောင်းကို စစ်ကောင်စီက သြဂုတ်လ ၈ ရက် ည ၁၁ နာရီမှ လာရောက်ဗုံးကြဲခဲ့တယ်လို့ သိရပါတယ်။
“မနေ့ညက နှစ်ခါတောင် ဗုံးလာကြဲလို့ စာသင်ကျောင်းနဲ့ ဘုန်းကြီးကျောင်း ဓမ္မာရုံ ပျက်စီးသွားတယ်” လို့ ကျောက်ဖြူမြို့ ဒေသခံတဦးက အာရက္ခတိုင်းမ်စ်ကို ပြောပါတယ်။
စစ်ကောင်စီဟာ ကျောက်ဖြူမြို့နယ် မင်းပြင်ရွာကို ည ၁၁ နာရီ ၁၃ မိနစ်မှာ တကြိမ်၊ ၁၁ နာရီ ၁၆ မိနစ်မှာ တကြိမ် နှစ်ကြိမ်တိုင်တိုင် လာရောက် ဗုံးကြဲခဲ့တာလို့ သိရပါတယ်။
အလားတူ စစ်ကောင်စီဟာ ရက္ခိုင်ပြည် ကျောက်ဖြူမြို့နယ်က သဒွတ္ထိန်ရွာ ဘုန်းကြီးကျောင်းကို ဇူလိုင်လ ၃၀ ရက် မနက် ၁၁ နာရီလောက်မှာ လေကြောင်းကနေ ဗုံးကြဲခဲ့ပါသေးတယ်။
ဇူလိုင်လ ၂၂ ရက် မနက်အစောတွင် စစ်ကောင်စီဟာ ဂျက်ဖိုက်တာနဲ့ ကျောက်ပြောက်ရွာက ဘုန်းတော်ကြီးကျောင်းကိုလည်း ဗုံး ၂ လုံး ကျဲချခဲ့လို့ ဘုရားကျောင်းခန်း နဲ့ ဓမ္မာရုံတို့ ပျက်စီးသွားခဲ့ပါတယ်။
စစ်ရေးအရ ရှုံးနိမ့်နေတဲ့ စစ်ကောင်စီဟာ သာသနိက အဆောက်အအုံတွေကို ရည်ရွယ်ချက်ရှိရှိ ဗုံးကြဲ ဖျက်စီးနေတယ်လို့ ဒေသခံတွေက ပြောပါတယ်။
ဓာတ်ပုံ – APM
159 comments