မိုးရာသီ ဘေးအန္တရာယ် ကင်းစင်ရေး ရှောင်ရန် ဆောင်ရန် ပို့ဆောင်ရေးဌာန ထုတ်ပြန်

by Rakhita Timesမေ 25, 2026မေ 25, 2026136 526

အာရက္ခတိုင်းမ်စ် (၂၅ မေ ၂၀၂၆)

ရက္ခိုင်တွင် မိုးရာသီအတွင် ရေလမ်းနဲ့ ယာဉ်အန္တရာယ် ကင်းစင်ရေးအတွက် အာရက္ခပြည်သူ့တော်လှန်ရေးအစိုးရ ပို့ဆောင်ရေးဌာနက ဒီကနေ့ (မေလ ၂၅) မှာ ထုတ်ပြန်ခဲ့ပါတယ်။

အဆိုပါ ပို့ဆောင်ရေးဌာနရဲ့ ထုတ်ပြန်ချက်တွင် ရေလမ်းခရီး အန္တရာယ် ကင်းစင်ရေူအတွက် ဆောင်ရန် ၅ ချက်၊ ရှောင်ရန် ၅ ချက်နဲ့ ယာဉ်အန္တရာယ် ကင်းစင်ရေးအတွက် ဆောင်ရန် ၅ ချက်၊ ရှောင်ရန် ၅ ချက် ပါဝင်ပါတယ်။

မိုးရာသီအတွင်း ရေလမ်းအန္တရာယ် ကင်းစင်ရေးအတွက် ဆောင်ရန် ၅ ချက်ကတော့ ရာသီဥတုသတင်း နားထောင်ပါ၊ အသက်ကယ်အင်္ကျီ ဝတ်ဆင်ပါ၊ ရေယာဉ်ထက်ကို စောင့်ဆိုင်းပြီး အတက် အဆင်း ပြုလုပ်ပါ၊ အသက်ကယ် ပစ္စည်းများ အဆင်သင့် ထားရှိပါ၊ တံတားပေါ်တွင် သတိနဲ့သွားလာပါ နဲ့ ရှောင်ရန် ၅ ချက်ကတော့ မိုးသက်လေပြင်း ကျနေစဥ် ရေယာဉ်မထွက်ရ၊ ကုန်နဲ့ ခရီးသည် အလွန်အကျွံ မတင်ရ၊ လှုပ်လှုပ်ရှားရှား မလုပ်ပါနဲ့၊ လုပြီး အတက်အဆင်း မလုပ်ပါနဲ့ ရေကြောင်း ခရီးသွားလာရာတွင် အရက်သေစာ သောက်စားခြင်းကို ရှောင်ပါ စတာတွေပဲ ဖြစ်ပါတယ်။

အလားတူ မိုးရာသီအတွင်း ယာဉ်အန္တရာယ်ကင်းရှင်းရေးအတွက် ဆောင်ရန် ၅ ချက်ကတော့ ယာဉ်ကြံ့ခိုင်မှုကို ကြိုတင် စစ်ဆေးပါ၊ အရှိန်လျှော့ မောင်းပါ၊ မိုးကြီးပါက ရှေ့မီးကြီး (Headlights) ဖွင့်မောင်းပါ၊ ယာဉ်ကို ထိန်းသိမ်းမောင်းနှင်ပါ၊ မှန်ကို ကြည်လင်အောင် သုတ်ထားပါနဲ့ ရှောင်ရန် ၅ ချက်ကတော့ အရေးပေါ် အချက်ပြမီး (Hazard Lights) အလဟဿ မဖွင့်ပါနဲ့၊ ရေတင်ကျန်နေတဲ့ လမ်းပေါ်တွင် အရှိန်ပြင်းစွာ မမောင်းရ၊ အန္တရာယ်ရှိတဲ့ ရေကြီးရေလျှံတဲ့ လမ်းများကို ဖြတ်မမောင်းရ၊ ဘရိတ်ကို ဆောင့်မအုပ်ရ။ ကားမောင်းနေစဥ် ဖုန်းအသုံးပြုခြင်း မပြုရ စတာတွေပဲ ဖြစ်ပါတယ်။

အာရက္ခပြည်သူ့တော်လှန်ရေးအစိုးရ ပို့ဆောင်ရေးဌာနက ရက္ခိုင်ပြည်သူများအနေနဲ့ မိုးရာသီ ရေလမ်းအန္တရာယ်ကို အတူတူ ပူးပေါင်းကာကွယ်ရန်နဲ့ ယာဉ်စည်းကမ်း လမ်းစည်းကမ်း လိုက်နာပြီး အန္တရာယ်ကင်းစွာ သွားလာကြဖို့ တိုက်တွန်း နှိုးဆော်ထားပါတယ်။