အာရက္ခတိုင်းမ်စ် (၄ အောက်တိုဘာ ၂၀၂၆)
ရက္ခိုင်ပြည်၊ ပုဏ္ဏားကျွန်းမြို့နယ်၊ သရက်ချိုနဲ့ ယိုးငူကျေးရွာကြားရှိ ယိုးငူ၊ ဗျာလ စစ်ဘေးရှောင်စခန်းကို ဒီကနေ့ ညနေ ၅ နာရီ ၁၀ မိနစ်ခန့်တွင် စစ်ကောင်စီက ဂျက်တိုက်လေယာဉ် ၂ စီးနဲ့ ရှေ့ဆင့် နောက်ဆင့် ဗုံးကြဲတိုက်ခိုက်ခဲ့တယ်လို့ အာရက္ခတပ်တော်က သတင်းထုတ်ပြန်ပါတယ်။
အဆိုပါ တိုက်ခိုက်မှုကြောင့် နေအိမ်များနဲ့ ဈေးဆိုင်အများအပြား ပျက်စီး မီးလောင်သွားခဲ့ပြီး လက်ရှိအချိန်အထိ စစ်ဘေးရှောင် အပြစ်မဲ့ အရပ်သားပြည်သူ ၇ ဦး သေဆုံးကာ ဒဏ်ရာရရှိသူများလည်း ရှိခဲ့တယ်လို့ သိရပါတယ်။
တိုက်ခိုက်မှုနဲ့ ပတ်သက်ပြီး စာရေးဆရာ ဝေဟင်အောင်က သူ့ရဲ့ လူမှုကွန်ရက်စာမျက်နှာတွင် ရေးသားထားပြီး၊ အာရက္ခတပ်တော်အနေနဲ့ အသေးစိတ် သတင်းကို ဆက်လက်ထုတ်ပြန်ပေးသွားမယ်လို့လည်း သတင်းထုတ်ပြန်ထားပါတယ်။
(ဓာတ်ပုံများကို အာရက္ခတိုင်းမ်စ် Telegram Channel တွင် ကြည့်ရှုနိုင်ပါသည်)
