အာရက္ခတိုင်းမ်စ် (၅ အောက်တိုဘာ ၂၀၂၆
၂၀၂၆ ခုနှစ် အောက်တိုဘာလ ၂ ရက် ညနေ ၄ နာရီခန့်တွင် မြေပုံနဲ့ ကျောက်ဖြူမြို့နယ်စပ်ရှိ မြောက်ဖြူကျွန်းအနီး ပင်လယ်ပြင်တွင် ငါးဖမ်းနေတဲ့ ဒေသခံ ရေလုပ်သား ၃ ဦးကို စစ်ကောင်စီ ရေတပ်သင်္ဘောတစ်စီးက ဖမ်းဆီးသွားခဲ့တယ်လို့ သိရပါတယ်။
ဖမ်းဆီးခံရသူများမှာ မြေပုံမြို့နယ်၊ ကျွန်းသာယာရွာက ရေလုပ်သားများ ဖြစ်ကြပြီး စက်လှေနဲ့ ပင်လယ်ပြင်တွင် ငါးဖမ်းနေစဉ် ဖမ်းဆီးခံရခြင်း ဖြစ်တယ်လို့ ဒေသခံတွေက ပြောပါတယ်။
စစ်ကောင်စီတပ်ဖွဲ့ဝင်များက သူတို့ ၃ ဦးကို ရေတပ်သင်္ဘောပေါ်တွင် စစ်ဆေးမေးမြန်းကာ ရိုက်နှက် နှိပ်စက်ခဲ့ပြီးနောက် ပြန်လွှတ်ပေးခဲ့ကြောင်း သိရပါတယ်။
ရိုက်နှက်ခံရမှုကြောင့် ရေလုပ်သား ၃ ဦးစလုံး ပြင်းထန်ဒဏ်ရာများ ရရှိထားပြီး တစ်ဦးမှာ အိပ်ရာထဲတွင် လဲလျောင်းနေရတယ်လို့လည်း သိရပါတယ်။
ရက္ခိုင်ပြည်အတွင်း စစ်ကောင်စီရဲ့ ရေတပ်က ဒေသခံရေလုပ်သားများကို ဖမ်းဆီး နှိပ်စက်မှုများ မကြာခဏ ပြုလုပ်နေတယ်လို့လည်း ဒေသခံတွေက ပြောပါတယ်။
