NewsPolitic

ကျောက်တော်ကို ညက ဂျက်ဖိုက်တာ ၃ စီးနဲ့ ဗုံးကြဲလို့ အရပ်သား ၂ ဦး ဒဏ်ရာရ

အာရက္ခတိုင်းမ်စ် (၁၇ နိုဝင်ဘာ ၂၀၂၆)

ရက္ခိုင်ပြည်၊ ကျောက်တော်မြို့ကို နိုဝင်ဘာလ ၁၆ ရက် ညဘက်မှာ စစ်ကောင်စီက လေကြောင်းက ဗုံးကြဲတိုက်ခိုက်ခဲ့လို့ အရပ်သားပြည်သူ ၂ ဦး ဒဏ်ရာရခဲ့တယ်လို့ ဒေသခံတွေက ပြောပါတယ်။

ဒဏ်ရာရသူတွေက အသက် ၂၅ နှစ်အရွယ် အမျိုးသားတစ်ဦးနဲ့ အသက် ၂၅ နှစ်အရွယ် အမျိုးသမီးတစ်ဦး စုစုပေါင်း ၂ ဦးဖြစ်ပြီး လက်ရှိမှာ ဆေးကုသမှု ခံယူနေရတယ်လို့ သိရပါတယ်။

စစ်ကောင်စီက ကျောက်တော်မြို့ကို နိုဝင်ဘာလ ၁၆ ရက် ည ၁၁ နာရီခွဲကျော်ကစပြီး ဂျက်ဖိုက်တာ ၃ စီးနဲ့ ၅ ကြိမ်တိုင်တိုင်၊ ပေါင် ၅၀၀ ဗုံး ၄ လုံး၊ Cluster Bomb ၁၀ လုံး၊ စုစုပေါင်း ဗုံး ၁၄ လုံး ကြဲချတိုက်ခိုက်ခဲ့တယ်လို့ သိရပါတယ်။

ဗုံးသီးတွေက စိုက်ပျိုးရေးသိပ္ပံကျောင်းနဲ့ အနီးဝန်းကျင်နေရာတွေမှာ ကျရောက်ပေါက်ကွဲခဲ့ပြီး ဒဏ်ရာရသူနှစ်ဦးက အဲဒီအနီးမှာ ရှိနေသူတွေလို့ ကျောက်တော်ဒေသခံတစ်ဦးက အာရက္ခတိုင်းမ်စ်ကို ဆိုပါတယ်။

စိုက်ပျိုးရေးသိပ္ပံကျောင်းက အဆောက်အအုံ နှစ်ဆောင်လည်း ပြိုပျက်ခဲ့တယ်လို့ သိရပါတယ်။

ကျောက်တော်မြို့ကို စက်တင်ဘာလ ၂၈ ရက်မှာ အိန္ဒိယဈေးနဲ့ ကစ္ဆပနဒီတံတားကို လေကြောင်းတိုက်ခိုက်ခဲ့လို့ အရပ်သားပြည်သူ အများအပြား သေဆုံးခဲ့ပါတယ်။

AA က လေကြောင်းတိုက်ခိုက်မှုတွေ ရက်ပိုင်းအတွင်း ပိုမိုဖြစ်ပွားနိုင်လို့ ပြည်သူတွေကို အမြဲသတိထားဖို့ တိုက်တွန်းထားပါတယ်။

Related posts

အာရက္ခပြည်က နာကာဆာကီနဲ့ ဟီရိုရှီးမားမြို့အလွန် ဒိုင်ယာစပိုရာများ

Rakhita Times

ရက္ခိုင်ပြည် လွတ်မြောက်နယ်မြေတွင် တရားမဝင် ပြင်ပအရက်ကို ဒီလပ် ဖမ်းဆီး

Rakhita Times

အိန္ဒိယမှ နီပါဗိုင်းရပ်စ် ကူးစက်ခံရမှာကို ပလက်ဝဒေသခံတွေ စိုးရိမ်နေ

Rakhita Times

Leave a Comment