အာရက္ခတိုင်းမ်စ် (၂၆ ဒီဇင်ဘာ ၂၀၂၄)
ရက္ခိုင်ပြည် မောင်တောမြို့နယ်မှာ ARSA က ခြုံခိုတိုက်ခိုက်တာကြောင့် အမျိုးသမီး ၁ ဦး သေဆုံးပြီး အများအပြား ထိခိုက်ဒဏ်ရာရရှိခဲ့တယ်လို့ အာရက္ခတပ်တော် (AA) က ဒီကနေ့ (ဒီဇင်ဘာ ၂၆ ရက်) မှာ သတင်းထုတ်ပြန်ပါတယ်။
ပြီးခဲ့တဲ့ ဒီဇင်ဘာ ၂၄ ရက်မှာ မောင်တောမြို့နယ် ကြိမ်ချောင်းမှ တောင်ပြိုကို ဈေးဝယ်သွားတဲ့ စေတနာ့ဝန်ထမ်း အမျိုးသမီး အပါအဝင် စျေးဝယ်အမျိုးသမီး စုစုပေါင်း (၁၆) ဦး လိုက်ပါ စီးနင်းလာတဲ့ ကားကို ARSA က ခြုံခိုက်တိုက်ခိုက်ခဲ့တာလို့ ဆိုပါတယ်။
အဲဒီ တိုက်ခိုက်မှုကြောင့် ၁ ဦး သေဆုံးပြီး အများအပြား ထိခိုက်ဒဏ်ရာရရှိခဲ့တာလို့ အာရက္ခတပ်တော်ရဲ့ ထုတ်ပြန်ချက်မှာ ဖော်ပြပါတယ်။
ထိခိုက်ဒဏ်ရာရရှိသူတွေကို အာရက္ခတပ်တော်က ကျန်းမာရေး စောင့်ရှောက်မှုတွေ ပေးနေပြီး အကြမ်းဖက် တိုက်ခိုက်မှုတွေ လုပ်ဆောင်ခဲ့တဲ့ ARSA အဖွဲ့ကို လိုက်လံရှာဖွေနေတယ်လို့ ဆိုပါတယ်။
1,239 comments