အာရက္ခတိုင်းမ်စ် (၂၇ နိုဝင်ဘာ ၂၀၂၅)
ရက္ခိုင်ပြည် မောင်တောမြို့နယ်ရှိ ရက္ခိုင်ရေပိုင်နက်အတွင်း တရားမဝင် ဝင်ရောက် ငါးခိုးဖမ်းနေတဲ့ ဘင်္ဂလားဒေ့ရှ်နိုင်ငံသား ငါးဖမ်းသမား ၁၂ ဦးကို ဒီကနေ့ မနက်က အာရက္ခတပ်တော် ကမ်းခြေစောင့်တပ်ဖွဲ့မှ ထပ်မံ ဖမ်းဆီးရမိခဲ့တယ်လို့ သိရပါတယ်။
မောင်တောမြို့နယ် ရွက်နုရွာ အနောက်ဖက် ကမ်းစပ်တွင် ငါးခိုးဖမ်းနေတဲ့ ဘင်္ဂလားဒေ့ရှ်နိုင်ငံသား ငါးဖမ်းသမား ၆ ဦးနဲ့အတူ စက်လှေတစီးကို နံနက် ၆ နာရီ ခွဲ ကျော်တွင် AA ကမ်းခြေစောင့်တပ်ဖွဲ့က ဖမ်းဆီးခဲ့တာပါ။
အလားတူ နံနက် ၉ နာရီ ဝန်းကျင်တွင်လည်း ရသေ့တောင်မြို့နယ် ကိုးတန်ကောက်ရွာ ကအနောက်ဖက်ကမ်းစပ်တွင် တရားမဝင် ငါးခိုးဖမ်းနေတဲ့ ဘင်္ဂလားဒေ့ရှ်နိုင်ငံသား ၆ ဦးနဲ့ စက်လှေတစီးတို့ကိုလည်း AA ကမ်းခြေစောင့်တပ်ဖွဲ့က ဆက်လက် ဖမ်းဆီးရမိခဲ့ပါတယ်။
အဆိုပါ ငါးခိုးဖမ်းနေတဲ့ ဘင်္ဂလားဒေ့ရှ်နိုင်ငံသားများကို AA က တရားဥပဒေနဲ့အညီ ထိန်းသိမ်း စစ်ဆေးနေပြီး ပြစ်မှုနဲ့လျော်ညီတဲ့ ပြစ်ဒဏ်များချမှတ်ပြီး ထိရောက်ပြတ်သားစွာ အရေးယူ ဆောင်ရွက်သွားမယ်လို့လည်း သိရပါတယ်။
နိုဝင်ဘာလ ၁၈ ရက် ကလည်း ရက္ခိုင်ရေပိုင်နက်အတွင်း တရားမဝင် ငါးခိုးဖမ်းနေတဲ့ ဘင်္ဂလားဒေ့ရှ်နိုင်ငံသား စုစုပေါင်း ၁၆ ဦးတို့ကို AA က ဖမ်းဆီးရမိခဲ့ပါသေးတယ်။
အလားတူ နိုဝင်ဘာလ ၁၂ ရက်ကလည်း ရက္ခိုင်ရေပိုင်နက်အတွင်း တရားမဝင် ငါးခိုးဖမ်းနေတဲ့ ဘင်္ဂလားဒေ့ရှ်နိုင်ငံသား စုစုပေါင်း ၂၁ ဦးကို AA က ဖမ်းဆီးခဲ့ပါတယ်။
Photo – APM
2 comments
Luckywinplus sounds promising! I’m always on the hunt for a site where luck is actually on my side. Anyone know anything about their loyalty program? luckywinplus
Heard some buzz about fortunetigerapp, so I gave it a spin. Solid! Graphics are sharp and the gameplay is smooth. It’s my new go-to! Get started now fortunetigerapp