အာရက္ခတိုင်းမ်စ် (၃၀ ဒီဇင်ဘာ ၂၀၂၅)
ရက္ခိုင်ပြည် သံတွဲခရိုင် ငပလီမြို့ လင်းသာရပ်ကွက်ကို ဒီဇင်ဘာလ ၂၉ ရက် ည ၈ နာရီခန့်တွင် စစ်ကော်မရှင်က လေကြောင်းကနေ ဗုံးကြဲတိုက်ခိုက်ခဲ့လို့ ကလေးငယ်တဦးအပါအဝင် အရပ်သားပြည်သူ ၇ ဦးသေဆုံးပြီး ၁၅ ဦး ထိခိုက်ဒဏ်ရာရရှိခဲ့တယ်လို့ သိရပါတယ်။
“ လင်းသားရပ်ကွက်က လင်းအောင်ရေခဲစက်နဲ့ ကျင်းကန်ကြီးကို ကျတာ၊ ၂ ကြိမ် ကြဲတာ၊ မီးတွေလည်းလောင် လူတွေသေနဲ့ ညက ကမ္ဘာပျက်နေသလိုပါပဲ” လို့ ငပလီမြို့ဒေသခံတဦးက အာရက္ခတိုင်းမ်စ်ကို ပြောပါတယ်။
စစ်ကော်မရှင် ဗုံးကြဲခဲ့လို့ သေဆုံးသွားသူတွေမှာ လင်းသာရပ်ကွက် ကျင်းကန်ကြီးနေ မနွယ်နွယ်မျိုး၊ ကိုတင်မြင့်၊ ကိုသုံးပုံ၊ မဝင်းဝင်းရွှေ၊ ကိုအငယ်၊ ကိုစိုးကျော်ဝင်းနဲ့ အမည်စုံစမ်းဆဲ နောက်တဦးတို့ပဲ ဖြစ်ပါတယ်။
ထိခိုက်ဒဏ်ရာရရှိသွားသူတွေကတော့ မောင်ထွန်းထွန်းဝင်း (၁၃ နှစ်)၊ ကိုကျော်ဝင်းနိုင် (၂၀ နှစ်)၊ ဦးဝင်းနိုင် (၅၆ နှစ်)၊ ဦးမောင်မောင်နိုင် (၃၁ နှစ်)၊ ဦးမောင်ငို (၃၅ နှစ်) ၊ ဦးသိန်းထွန်းဦး (၄၈ နှစ်)၊ ဦးကိုလင်း (၄၈ နှစ်)၊ ဦးဖိုးဝင်း (၇၃ နှစ်)၊ ကိုအေးမင်းထွန်း (၂၆ နှစ်)၊ ဦးမောင်သာဖြူ (၄၆ နှစ်)၊ ဒေါ်ဝင်းဝင်းဇော် (၃၁ နှစ်)၊ မနွယ်နွယ်ဦး (၂၃ နှစ်)၊ ဒေါ်ပပလင်း (၄၈ နှစ်)၊ ဒေါ်ပုံချီ (၆၃ နှစ်)၊ ဒေါ်မတင် (၈၁ နှစ်) တို့ပဲ ဖြစ်ပါတယ်။
အဆိုပါ စစ်ကော်မရှင်ရဲ့ လေကြောင်းကနေ ဗုံးကြဲတိုက်ခိုက်မှုကြောင့် လင်းသာရပ်ကွက်က လူနေအိမ် ၁၂ လုံးထက်မနည်း မီးလောင်ပျက်ဆီးသွားတယ်လို့လည်း သိရပါတယ်။
13 comments