အာရက္ခတိုင်းမ်စ် (၂၃ မေ ၂၀၂၆)
ဘင်္ဂလားဒေ့ရှ်နိုင်ငံကနေ ရက္ခိုင်ပြည်ကိုတင်ပို့မယ့် ဘိလပ်မြေအိတ် ၅၀၀ ကို ဘင်္ဂလားဒေ့ရှ် ကမ်းခြေစောင့်တပ်ဖွဲ့က မေလ ၂၂ ရက်တွင် ဖမ်းဆီးခဲ့တယ်လို့ သိရပါတယ်။
ဘင်္ဂလားဒေ့ရှ်နိုင်ငံ ကော့ဇ်ဘဇားခရိုင် တက္ကနက်ဖ်မြို့ကနေ ရက္ခိုင်ပြည်ကို တင်သွင်းမယ့် ဘိလပ်မြေအိတ် ၅၀၀ ကို မူဆလင်ကုန်သည် ၈ ဦးနဲ့အတူ ဖမ်းဆီးရမိခဲ့တယ်လို့ BGB က ထုတ်ပြန်ထားပါတယ်။
ထုတ်ပြန်ချက်အရ မေလ ၂၁ ရက် ညနေ ၆ နာရီခန့်တွင် BGB တပ်ဖွဲ့ဝင်များဟာ သတင်းပေးချက်အရ ဘင်္ဂလားဒေ့ရှ်နိုင်ငံ ကော့ဇ်ဘဇားခရိုင် တက္ကနက်ဖ်မြို့ စိန့်မာတင်ကျွန်း အနောက်တောင်ဖက် ပင်လယ်ပြင်တွင် ဖမ်းဆီးခဲ့တာလို့လည်း သိရပါတယ်။
“ ဘိလပ်မြေအိတ် ၅၀၀ ရဲ့ ခန့်မှန်းတန်ဖိုးဟာ ဘင်္ဂလားဒေ့ရှ်ငွေ တာကာ ၃ သိန်းခွဲခန့် တန်ဖိုးရှိတယ်” လို့ ဘင်္ဂလားဒေ့ရှ် ကမ်းခြေစောင့်တပ်ဖွဲ့ ဒုတိယဗိုလ်မှူးကြီး BN Suman Al Mukit က ပြောပါတယ်။
လက်ရှိမှာ ဖမ်းဆီးထားတဲ့ ငါးဖမ်းစက်လှေ၊ ဘိလပ်မြေအိတ်နဲ့အတူ မူဆလင်ကုန်သည် ၈ ဦးကို အရေးယူနိုင်ရန်အတွက် သက်ဆိုင်ရာရဲစခန်းကို လွှဲပြောင်းပေးထားပြီး ဆက်လက် အမှုဖွင့် ဆောင်ရွက်နေတယ်လို့လည်း သိရပါတယ်။
အလားတူ ဘင်္ဂလားဒေ့ချ်နိုင်ငံကနေ ရက္ခိုင်ပြည်ကို တင်ပို့မယ့် ဘိလပ်မြေအိတ် ၉၀၀နဲ့ ကုန်သည် ၁၄ ဦးကိုလည်း ဧပြီလ ၂၈ ရက် နေ့လည်က ဘင်္ဂလားဒေ့ချ်ကမ်းခြေစောင့်တပ် (BCG) က ဖမ်းဆီးခဲ့ပါတယ်။
ဧပြီလ ၁၉ ရက် ညဖက်ကလည်း ဘင်္ဂလားဒေ့ချ်နိုင်ငံကနေ ရက္ခိုင်ပြည်ကို တင်ပို့မယ့် ဘိလပ်မြေအိတ် ၈၅၀ ကို ဘင်္ဂလားဒေ့ချ်ရေတပ် (နေဗီ) တစီးကနေ ဘုတ်နဲ့ ကုန်ပစ္စည်းများကို ဖမ်းဆီးခဲ့ပါသေးတယ်။
3 comments
References:
Slots of vegas no deposit bonus codes lancegpfs932849.like-blogs.com
References:
Play online poker http://okprint.kz/user/cordtaurus9/
References:
Roulette wheel selection https://argrathi.stars.ne.jp:443/pukiwiki/index.php?tobiasenchristensen125924