အာရက္ခတိုင်းမ်စ် (၂၇ ဇွန် ၂၀၂၅)
ညီနောင်မဟာမိတ် ၃ ဖွဲ့ အုပ်ချုပ်နေတဲ့ မိုင်းယု ၁၀၅ မိုင် တွင် အပြည်ပြည်ဆိုင်ရာမူးယစ်ဆေးဝါးတိုက်ဖျက်ရေးအထိမ်းအမှတ်နေ့အဖြစ် ဇွန်လ ၂၆ ရက်က ဖမ်းဆီးရမိထားတဲ့ မူးယစ်ဆေးဝါးတွေကို မီးရှို့ဖျက်ဆီးခဲ့တယ်လို့ သိရပါတယ်။
“၁၀၂၇ စစ်ဆင်ရေးအပြီးမှာ ဖမ်းဆီးရမိထားတဲ့ မူးယစ်ဆေးဝါးတွေကို အများပြည်သူရှေ့မှာ မီးရှို့ဖျက်ဆီးတာ။ ပမာဏတော့ တော်တော်များပါတယ်” လို့ မိုင်းယု ၁၀၅ မိုင်က ဒေသခံ ၁ ဦးက အာရက္ခတိုင်းမ်စ်ကို ပြောပါတယ်။
မိုင်းယု ၁၀၅ မိုင်ဟာ တအာင်းပြည် တပ်မဟာ ၇ နယ်မြေ နမ့်ခမ်းခရိုင်တွင် တည်ရှိတာလည်း ဖြစ်ပါတယ်။
အဆိုပါ မိုင်းယု ၁၀၅ မိုင်ကို အာရက္ခတပ်တော် AA ၊ ကိုးကန့်တပ် MNDAA နဲ့ တအောင်းတပ် TNLA တို့ စုပေါင်း အုပ်ချုပ်နေတာလည်း ဖြစ်ပါတယ်။
ညီနောင်မဟာမိတ် ၃ ဖွဲ့ အနေနဲ့ ဘိန်းဖြူ (ဆပ်ပြာခွက်) (၁၂) ခွက်၊ အထုပ် (၂) ထုပ်၊ အချိုရည်ပိုက်အတွင်းရှိ ဘိန်းဖြူ (၂၂၃) ခု၊ Happy Water (၅၆) ထုပ်၊ ယာမစိတ်ကြွဆေးပြား (၁၂၆၆၀) ပြား နဲ့ ဘိန်းမည်း (၁) ထုပ် တို့ကို မီးရှို့ဖျက်ဆီးခဲ့တယ်လို့ သိရပါ။
172 comments