စစ်ကောင်စီ နဲ့ CNF တို့ အပစ်ရပ်စဲမှု သဘောတူညီစာချုပ် ထွက်ပေါ်

အာရက္ခတိုင်းမ်စ် (၂၀ ဇူလိုင် ၂၀၂၅)

စစ်ကောင်စီ နဲ့ ချင်းအမျိုးသားတပ်ဦး (CNF) တို့အကြား အပစ်အခတ်ရပ်စဲမှု သဘောတူလက်မှတ်ရေးထိုးထားတဲ့ အချက် ၅ ချက်ပါ သဘောတူစာချုပ် တစ်စောင် ထွက်ပေါ်လာခဲ့ပါတယ်။

၂၀၂၅ ခုနှစ် ဧပြီလ ၂၉ ရက်စွဲပါ အဆိုပါ သဘောတူစာချုပ်မှာ နိုင်ငံတော်အုပ်ချုပ်ရေးကောင်စီ၊ စစ်ဗျူဟာအခြေချ ဟားခါးစစ်ဗျူဟာမှူး ဗိုလ်မှူးကြီး စိုးဝင်းထွန်း၊ ဟားခါးအခြေစိုက် ခမရ -၂၆၆ တပ်ရင်းက ဗိုလ်မှူးအာကာကျော်မိုး နဲ့ ချင်းအမျိုးသားတပ်ဦး (CNF/CNA) တို့ကြား အပစ်အခတ်ရပ်စဲပြီး လိုအပ်တဲ့ အကူအညီတွေ ထောက်ပံ့ကူညီပေးဖို့ အောက်ဖော်ပြပါ အချက်တွေကို သဘောတူညီခဲ့တယ်လို့ ဆိုပါတယ်။

ချင်းပြည်နယ်၊ ဟားခါးမြို့ကို ဘယ်လက်နက်ကိုင်အဖွဲ့အစည်းတွေမှ မတိုက်ခိုက်ဖို့ CNF က ကာကွယ်စောင့်ရှောက်ပေးဖို့၊ ထန်တလန်မြို့ကို ချင်းအမျိုးသားတပ်မတော်ကနေ နောက်ထပ်ထိုးစစ်ဆင် မတိုက်ခိုက်ဖို့နဲ့ ဟားခါး၊ ထန်တလန် လမ်းမပေါ်ကနေပြီးတော့ CNF/CNA တပ်ဖွဲ့တွေ ပြန်ဆုတ်ခွာပေးဖို့ ပါရှိပါတယ်။

ထို့အတူ မိမိတို့ နိုင်ငံတော်အုပ်ချုပ်ရေးကောင်စီ တပ်မတော်က ချင်းအမျိုးသားတပ်ဦး (CNF/CNA) ဌာနချုပ် (Camp Victocia) ကို နောက်ထပ်လေကြောင်း တိုက်ခိုက်မှု မပြုလုပ်ဖို့၊ ချင်းအမျိုးသားတပ်ဦး (CNF/CNA) လိုအပ်တဲ့ သေနတ်အလက် ၁၀၀ နဲ့ ကျည်ဆံတွေ မိမိတို့ တပ်မတော် ထောက်ပံ့ပေးဖို့ ထွက်ပေါ်လာတဲ့ သဘောတူစာချုပ်မှာ ပါရှိပါတယ်။

မိမိတို့ တပ်မတော်က MA-1. MK 111 5.56 mm Assault Rine အမျိုးအစားအလက် ၅၀၊ MA-2. MK II 5.56mm Light Machine Gun 20MA-3. MK II 5.56mm Sub Machine Gun засагброМА-4,МК 115.56 mm (40mm Launcher Attached) 20:09: အထောင့်၅၀,၀၀၀(ငါးသောင်း နှင့် ၇.၆၂ ၅၂ မမ ကျည်အမျိုးအစား ၃၀,၀၀၀ (သုံးသောင်း) ကို ချင်းအမျိုးသားတပ်ဦး (CNF/CNA) ကို ထောက်ပံ့ပေးဖို့ နှစ်ဘက်သဘောတူထားတယ်လို့ ဆိုပါတယ်။

ချင်းအမျိုးသားတပ်ဦး (CNF) ဟာ တစ်နိုင်ငံလုံးပစ်ခတ်တိုက်ခိုက်မှု ရပ်စဲရေးသဘောတူစာချုပ် (NCA) လက်မှတ်ရေးထိုးထားတဲ့ ချင်းလက်နက်ကိုင်တပ်ဖွဲ့ လည်း ဖြစ်ပါတယ်။