ကျောက်ဖြူ၊စစ်တွေ နဲ့ မာန်အောင်တို့တွင် ပြည်သူ့လွှတ်တော် ကိုယ်စားလှယ်အဖြစ် ကြံ့ဖွံ့ပါတီမှ နှစ်ဦး နဲ့ ရခိုင်တိုင်းရင်းသားများပါတီမှ တဦးနိုင်

အာရက္ခတိုင်းမ်စ်(၄ ရက် ဇန်နဝါရီ ၂၀၂၆)

ရက္ခိုင်ပြည်၊ ကျောက်ဖြူ၊ စစ်တွေ နဲ့ မာန်အောင်တို့မှ ပြည်သူ့လွှတ်တော် ကိုယ်စားလှယ်အဖြစ် ရွေးချယ်ခံရသူတွေစာရင်းကို ပြည်ထောင်စုရွေးကောက်ပွဲ ကော်မရှင် UEC က ထုတ်ပြန်ခဲ့ပါတယ်။

စကမရဲ့ပါတီစုံ ဒီမိုကရေစီ အထွေထွေ ရွေးကောက်ပွဲ အပိုင်း (၁) ကို ၂၀၂၅ခုနှစ်၊ ဒီဇင်ဘာ ၂၈ ရက်မှာ စကမ ထိန်းချုပ်ထားတဲ့ ရက္ခိုင်ပြည်၊ မာန်အောင်၊ စစ်တွေ နဲ့ ကျောက်ဖြူမြို့တွေမှာ ပြုလုပ်ခဲ့တာပဲ ဖြစ်ပါတယ်။

အဆိုပါ ရွေးကောက်ပွဲ အပိုင်း (၁) ရဲ့ ရလဒ်အရ ရက္ခိုင်ပြည်၊ ကျောက်ဖြူမဲဆန္ဒနယ် နဲ့ စစ်တွေမဲဆန္ဒနယ်ရှိ ကြံ့ဖွတ်ပါတီက နှစ်ဦး အနိုင်ရရှိခဲ့ပြီး မာန်အောင်မဲဆန္ဒနယ်မှာတော့ ရခိုင်တိုင်းရင်းသားများပါတီ (RNP) က တဦး အနိုင်ရရှိခဲ့တယ်လို့ သိရပါတယ်။

ရက္ခိုင်ပြည်အပါအဝင် စစ်ကိုင်း၊ တနင်္သာရီ၊ ပဲခူး၊ မကွေး၊ မန္တလေး နဲ့ ရန်ကုန်တိုင်းတို့မှ ပြည်သူ့လွှတ်တော်ကိုယ်စားလှယ်အဖြစ် ၅၆ ဦး ရွေးချယ်ခံခဲ့ရပါတယ်။ ၎င်းတို့အနက် ကြံ့ဖွတ်ပါတီက ၅၂ ဦးရွေးချယ်ခံခဲ့ရပြီး ကျန် လေးဦးကတော့ ရခိုင်တိုင်းရင်းသားများပါတီ (RNP) နဲ့ နာဂ အမျိုးသားများပါတီတို့က ဖြစ်ပါတယ်။