မောင်တောတွင် ၂ နှစ်ကျော် ကာလအတွင်း အကြမ်းဖက်အဖွဲ့အစည်းများက ဒေသခံ ၁၆၂ ဦး သတ်ဖြတ်၊ ၂၂ ဒဏ်ရာရ

အာရက္ခတိုင်းမ်စ် (၆ မတ် ၂၀၂၆)

ရက္ခိုင်ပြည် မောင်တောခရိုင်တွင် ၂ နှစ်ကျော် ကာလအတွင် အကြမ်းဖက်အဖွဲ့အစည်းများရဲ့ သတ်ဖြတ်မှုကြောင့် ဒေသခံပြည်သူ ၁၆၂ သေဆုံးခဲ့ပြီး ၂၂ ဦး ထိခိုက် ဒဏ်ရာရရှိခဲ့တယ်လို့ HDCO က မတ်လ ၄ ရက်မှာ ထုတ်ပြန်ခဲ့ပါတယ်။

လူသားချင်းစာနာထောက်ထားရေးနှင့် ဖွံ့ဖြိုးရေးဆိုင်ရာပူးပေါင်းဆောင်ရွက်ရေးဌာန (HDCO) က ထုတ်ပြန်တဲ့ အကြမ်းဖက် အဖွဲ့အစည်းများမှာ ARSA၊ RSO၊ ARA နဲ့ RIM တို့ပဲ ဖြစ်ပါတယ်။

အဆိုပါ အကြမ်ဖက် အဖွဲ့အစည်းရဲ့ ဖမ်းဆီးခံရမှုကနေ လွတ်မြောက်လာသူ ၁၅ ဦးရှိခဲ့ပြီး အခုအချိန်အထိ သတင်းအစအနမရဘဲ ပျောက်ဆုံးနေသူ ၃၀ ဦး ရှိတယ်လို့လည်း HDCO က ဆိုပါတယ်။

အကြမ်းဖက်အဖွဲ့အစည်းများရဲ့ သတ်ဖြတ်မှု ခံခဲ့ရတဲ့ ရာခိုင်နှုန်းအားဖြင့် မူစလင် ၁၅ ရာခိုင်နှုန်း၊ ဟိန္ဒူ ၁၅ ရာခိုင်နှုန်း၊ ခမီ ၆ ရာခိုင်နှုန်း၊ မြို ၂ ရာခိုင်နှုန်းနဲ့ ဒိုင်းနက် ၂ ရာခိုင်နှုန်းတို့ ပါဝင်တယ်လို့လည်း သိရပါတယ်။

အဆိုပါ အဖွဲ့တွေရဲ့ အဓိကထား သတ်ဖြတ်ခံခဲ့ရတာကတော့ ရက္ခိုင်လူမျိုးဟာ ထိခိုက်မှုအများဆုံးနဲ့ သေဆုံးမှု အများဆုံးဖြစ်တယ်လို့လည်း ထုတ်ပြန်ချက်မှာ ရေးသားဖော်ပြထားပါတယ်။