ဂွမြို့နယ်ကို ဗုံးကြဲခံရလို့ ကလေးငယ်အပါအဝင် ၃ ဦးသေ၊ ၂ ဦးပြင်းထန် ဒဏ်ရာရ

by Rakhita Timesဇူလိုင် 10, 2026ဇူလိုင် 10, 20264 119

အာရက္ခတိုင်းမ်စ် (၁၀ ဇူလိုင် ၂၀၂၆)

ရက္ခိုင်ပြည် ဂွမြို့နယ်ကို ရွေးတုအစိုးရတပ်က ဒီကနေ့ (၁၀ ဇူလိုင်) မနက်ပိုင်းက လေကြောင်းကနေ ဗုံးကြဲတိုက်ခိုက်ခဲ့လို့ ၃ နှစ်အရွယ် ကလေးငယ်တစ်ဦးအပါအဝင် ပြည်သူ ၂ ဦး ပြင်းထန် ဒဏ်ရာရရှိခဲ့တယ်လို့ သိရပါတယ်။

ရွေးတုအစိုးရတပ်ဟာ ဂွမြို့နယ် ဓနိကျေးရွာအုပ်စု ကုလားချောင်းကျေးရွာကို ဂျက်ဖိုက်တာနဲ့ ဗုံး ၂ လုံး ကြဲချတိုက်ခိုက်ခဲ့တာလည်း ဖြစ်ပါတယ်။

“သေတဲ့ ၃ ယောက်လုံးက ပွဲချင်းပြီးပါပဲ။ အလောင်းက အကောင်းအတိုင်းမရဘူး။ အကုန်လုံး တစ်ပိုင်းတစ်စဆီ ဖြစ်နေပြီ။ အပိုင်းပိုင်း အပြတ်ပြတ်ပါပဲ” လို့ ဂွမြို့နယ်ဒေသခံတစ်ဦးက အာရက္ခတိုင်းမ်စ်ကို ပြောပါတယ်။

အဆိုပါကဲ့သို့ ဗုံးကြဲတိုက်ခိုက်မှုကြောင့် သေဆုံးသွားသူမှာ အသက် ၃ နှစ်အရွယ် ဖိုးသားလေး၊ အသက် ၅၃ နှစ်အရွယ် ဦးညွန့်မောင် နဲ့ အသက် ၅၇ နှစ်အရွယ် ဒေါ်မမလေး ဖြစ်တယ်လို့ သိရပါတယ်။

အလားတူ ရွေးတုအစိုးရတပ်ဟာ ဂွမြို့နယ်က နောက်ထပ် နေရာတစ်ခုကိုလည်း ဗုံးကြဲတိုက်ခိုက်ခဲ့တယ်လို့ သိရပြီး နေရာအတိအကျနဲ့ အခြေအနေ အသေးစိတ်ကိုတော့ မသိရသေးပါဘူး။

ပုံ-APM (ဓာတ်ပုံများ ပိုမို ကြည့်ရှုလိုပါက t.me/arakhatimes တွင် ကြည့်ရှုနိုင်ပါတယ်) စိတ်မချမ်းမြေ့စရာ ဓာတ်ပုံများ ပါဝင်ပါတယ်