လာမယ့် ၂၄ နာရီ ကနေ ၄၈ နာရီအတွင်း လေဖိအားနည်းရပ်ဝန်း ဖြစ်ပေါ်လာနိုင်

(တောင်ငူမြို့တွင် ရေကြီးနိုင်လို့ ပရဟိတအဖွဲ့တွေ သတိနဲ့နေဖို့ နှိုးဆော်နေ)

အာရက္ခတိုင်းမ်စ် (၁၃ ဇူလိုင် ၂၀၂၅)

နောက်လာမယ့် ၂၄ နာရီ ကနေ ၄၈ နာရီ အတွင်း ဘင်္ဂလားပင်လယ်အော် မြောက်ပိုင်းမှာ လေပွေလှိုင်း (လေဖိအားနည်းရပ်ဝန်း) ဖြစ်ပေါ်လာနိုင်တယ်လို့ မိုးလေဝသပညာလေ့လာစောင့်ကြည့်သူ ဦးဝင်းနိုင်ရဲ့ လူမူကွန်ယက်မှာ ဖော်ပြထားပါတယ်။

လေပွေလှိုင်း ဖြစ်ပေါ်လာပေမယ့်လည်း နောက်လာမယ့် ၂၄ နာရီ ကနေ ၄၈ နာရီအတွင်း ဘင်္ဂလားပင်လယ်အော်မြောက်ပိုင်းတွင် လေပွေလှိုင်း (လေဖိအားနည်းရပ်ဝန်း) ဖြစ်ပေါ်လာနိုင်တယ်လို့ သိရပါတယ်။

လေပွေလှိုင်း ဖြစ်ပေါ်လာနိုင်ပေမယ့်လည်း မန္တလေး၊ စစ်ကိုင်း၊ ကချင်၊ ပဲခူး၊ ဧရာဝတီ၊ ရန်ကုန်၊ မွန်၊ ကရင်၊ ရှမ်း တို့တွင် မိုးအနည်းငယ်ကနေ မိုးအသင့်အတင့် ရွာသွန်းနိုင်ပြီး၊ ကျန်ပြည် နဲ့ တိုင်းများတွင် မိုးလျော့နည်းနေနိုင်ပါတယ်လို့ ဆိုပါတယ်။

ဒီနေ့ မနက်ကလည်း အောင်လံမြို့မှာ မိုးလေဝသစခန်းဖွင့်ခဲ့တဲ့ နှစ်ပေါင်း ၄၁ နှစ်အတွင်း မိုးရေချိန် စံချိန်အသစ် တင်ခဲ့တယ်လို့ မိုးလေဝသ နဲ့ ဇလဗေဒညွှန်ကြားမှုဦးစီးဌာနက ထုတ်ပြန်ထားပါတယ်။

ဒါ့အပြင် ဧရာဝတီမြစ်ရေဟာ ပခုက္ကူ၊ ချောက်၊ ဆိပ်သာမြို့ နဲ့ သံလွင်မြစ်ရေဟာ ဘားအံမြို့တို့ကို နောက် ၃ ရက်အတွင်း စိုးရိမ်ရေမှတ်ကို ရောက်နိုင်တယ်လို့လည်း ထုတ်ပြန်ထားပါတယ်။

လက်ရှိအချိန်မှာ တောင်ငူမြို့အတွင်းက ပရဟိတအဖွဲ့တွေက ရေကြီးရေလျံ ဖြစ်ပေါ်လာပါက သတိပြုနေထိုင်ကြရန် လိုက်လံနှိုးဆော်နေတယ်လို့ တောင်ငူမြိုခံတစ်ဦးက အာရက္ခတိုင်းမ်စ်ကို ပြောပါတယ်။

“ လက်ရှိအချိန်ထိတော့ ရေက မတက်သေးပါဘူး ။ ပရဟိတသမားတွေကတော့ သတိပြုနေထိုင်ဖို့ လိုက်လံ အော်နေတော့ တွေ့ရတယ်” လို့ သူက ပြောပါတယ်။

ဇွန် ၂၁ ရက်နေ့ကလည်း တောင်ငူမြို့ မြေနိပ့်ပိုင်း ရပ်ကွက်တွေမှာ ရေကြီးတာတွေ ဖြစ်ပေါ်ခဲ့ပါတယ်။