ခူမီးနှစ်သစ်ကူးပွဲတော် AA တက်ရောက်

by Rakhita Timesဒီဇင်ဘာ 3, 2025ဒီဇင်ဘာ 3, 202533 258

အာရက္ခတိုင်းမ်စ် (၃ ဒီဇင်ဘာ ၂၀၂၅)

ပလက်ဝခရိုင်တွင် ဒီဇင်ဘာလ ၁ ရက်က ကျင်းပပြုလုပ်ခဲ့တဲ့ ခူမီးနှစ်သစ်ကူးပွဲတော်ကို အာရက္ခတပ်တော်ရဲ့ တာဝန်ရှိသူများ တက်ရောက်ခဲ့တယ်လို့ သိရပါတယ်။

ခူမီးနှစ်သစ်ကူးပွဲတော်ကို ခူမီးစာပေနဲ့ယဥ်ကျေးမှုအသင်းက ဦးဆောင်ကျင်းပတာလည်း ဖြစ်ပါတယ်။

“ ခူမီးလူမျိုးများဟာ ရှေးယခင်နှစ်များကပင် နှစ်စဉ်နှစ်တိုင်း ခူမီးသက္ကရာဇ် နှစ်ဆန်း (၁) ရက်၊ ဒီဇင်ဘာ ၁ ရက်နေ့ကို ခူမီးလူမျိုးတို့ရဲ့ နေ့ထူးနေ့မြတ်အဖြစ် အထွဋ်တမြတ် တန်ဖိုးထားပြီး နှစ်သစ်ကူးပွဲတော် ကျင်းပပြုလုပ်ခဲ့ပါတယ်” လို့ ခူမီးစာပေနဲ့ယဉ်ကျေးမှုအသင်း တာဝန်ရှိသူတဦးက ပြောပါတယ်။

အဆိုပါ ခူမီးနှစ်သစ်ကူးပွဲတော် ကျင်းပနိုင်ရေးအတွက် အာရက္ခတပ်တော် တာဝန်ရှိသူများက ငွေကျပ် ၅ သိန်း ထောက်ပံ့ပေးခဲ့တယ်လို့လည်း သိရပါတယ်။

“ ခူမီးလူမျိုးတို့ တန်ဖိုးထားတဲ့ နှစ်သစ်ကူးပွဲတော်ကို နှစ်စဉ်နှစ်တိုင်း ကျင်းပပြုလုပ်ရန် လိုအပ်ပြီး အခက်အခဲများကို သက်ဆိုင်ရာ အစိုးရဌာနများက စီစဉ်ဆောင်ရွက်ပေးသွားမှာ ဖြစ်ပါတယ်” လို့ အာရက္ခတပ်တော်က တာဝန်ရှိသူတဦးက ပြောပါတယ်။

အဆိုပါ ခူမီးနှစ်သစ်ကူးပွဲတော်ကို ဘာသာရေးခေါင်းဆောင်များ၊ မျိုးနွယ်စုခေါင်းဆောင်များ၊ ရပ်မိရပ်ဖများ၊ ခူမီးစာပေနဲ့ယဉ်ကျေးမှုအသင်းဝင်များ၊ ရက္ခိုင်အမျိုးသားအဖွဲ့ချုပ် ခရိုင်ပါတီကော်မတီဝင်များ၊ အာရက္ခပြည်သူ့တော်လှန်ရေးအစိုးရ ဌာနဆိုင်ရာများနဲ့ခူမီးလူမျိုးများ တက်ရောက်ခဲ့တယ်လို့ သိရပါတယ်။

Photo & Ref: APM