အာရက္ခတိုင်းမ်စ် (၂၃ ဒီဇင်ဘာ ၂၀၂၅)
ရက္ခိုင်ပြည် ပုဏ္ဏားကျွန်းမြို့နယ်က ကျေးရွာ ၃ ရွာကို စစ်ကော်မရှင်က ဒီဇင်ဘာလ ၂၂ ရက် ညနေပိုင်းတွင် ပေါင် ၃၀၀ ဗုံး ၆ လုံးကြဲချခဲ့တယ်လို့ ဒေသခံတွေထံမှ သိရပါတယ်။
“ ကြဲချခံလိုက်ရတဲ့ ရွာတွေကတော့ ဆင်အင်းကြီး၊ ကွမ်းတောင် နဲ့ ခမောင်းတော ရွာတွေဖြစ်ပါတယ်။ နေအိမ်တွေတော့ ပျက်စီးတာရှိတယ်။ လူတော့ ထိခိုက်ဒဏ်ရာ ရရှိတာ မရှိပါဘူး” လို့ ပုဏ္ဏားကျွန်းမြို့ဒေသခံတဦးက အာရက္ခတိုင်းမ်စ်ကို ပြောပါတယ်။
စစ်ကော်မရှင်ဟာ ပုဏ္ဏားကျွန်းမြို့နယ် ဆင်အင်းကြီးရွာကို ညနေ ၅ နာရီ မိနစ် ၄၀ ခန့်က ပေါင် ၃၀၀ ဗုံး ၂ လုံး၊ ၆ နာရီ မိနစ် ၂၀ ခန့်မှာ ကွမ်းတောင်ရွာကို ပေါင် ၃၀၀ ဗုံး ၂ လုံး နဲ့ ည ၇ နာရီ မိနစ် ၂၀ ခန့်မှာ ခမောင်းတောရွာကို ပေါင် ၃၀၀ ဗုံး ၂ လုံး ကြဲချခဲ့တာလည်း ဖြစ်ပါတယ်။
အဆိုပါ စစ်ကော်မရှင်ရဲ့ ဗုံးကြဲတိုက်ခိုက်မှုကြောင့် ကွမ်းတောင်ရွာက ဦးခင်မောင်နု နဲ့ ဦးမောင်ကျော်ဝင်းတို့ရဲ့ နေအိမ် ၂ လုံး ပျက်စီးခဲ့ပါတယ်။
3 comments